توقاەۆتى الەم ەلدەرىنىڭ پرەزيدەنتتەرى قۇتتىقتاپ جاتىر
قازاقستان پرەزيدەنتى بولىپ سايلانۋىنا وراي قاسىم-جومارت توقاەۆتىڭ اتىنا قۇتتىقتاۋ حاتتار مەن جەدەلحاتتار كەلىپ تۇسۋدە.
گەرمانيا كانتسلەرى انگەلا مەركەل مەملەكەت باسشىسىنا جاڭا تابىس تىلەدى.
«ءسىزدى قازاقستان رەسپۋبليكاسىنىڭ پرەزيدەنتى قىزمەتىنە كىرىسۋىڭىزبەن قۇتتىقتايمىن. ەلدەرىمىز اراسىنداعى ارىپتەستىك تۇراقتى دامىپ كەلەدى. گەرمانيا رەفورمالار مەن دەموكراتيالاندىرۋ جونىندەگى جاقىن ارىپتەس رەتىندە قازاقستانعا قولداۋ كورسەتە بەرۋگە دايىن»، – دەلىنگەن جەدەلحاتتا.
ءۇندىستاننىڭ پرەمەر-ءمينيسترى نارەندرا مودي قازاقستان پرەزيدەنتىن قۇتتىقتاپ، ەكى ەلدىڭ كوپ عاسىر بۇرىن باستالعان ىقپالداستىقتى جالعاستىرىپ كەلە جاتقانىن ايتتى.
«ەكىجاقتى ىنتىماقتاستىقتىڭ قارقىندى دامۋىنىڭ ارقاسىندا تاريحي بايلانىستارىمىز ستراتەگيالىق سەرىكتەستىككە ۇلاستى. مەملەكەتتەرىمىز بەن حالىقتارىمىزدىڭ مۇددەسى ءۇشىن ءۇندىستان مەن قازاقستاننىڭ ستراتەگيالىق سەرىكتەستىگىن ودان ءارى نىعايتۋعا جانە كەڭەيتۋگە دايىن ەكەنىمدى بىلدىرەمىن»، – دەلىنگەن جەدەلحاتتا.
حورۆاتيا پرەزيدەنتى كوليندا گرابار-كيتاروۆيچ ءوزىنىڭ قۇتتىقتاۋ حاتىندا دوستىق ىنتىماقتاستىقتى ودان ءارى دامىتۋعا بەيىل ەكەنىن ايتقان.
«حورۆاتيا قازاقستانمەن حالىقتارىمىزدىڭ ورتاق مۇددەلەرىن بىلدىرەتىن كوپتەگەن سالالاردا تۇراقتى دامىپ كەلە جاتقان ارىپتەستىكتى جانە دوستىق قاتىناستاردى جوعارى باعالايدى. ءبىز ءوزارا كۇش بىرىكتىرە وتىرىپ، ورتاق ىنتىماقتاستىققا، سونىڭ ىشىندە ەكى مەملەكەتتىڭ الەۋەتىن ىسكە اسىرۋ ءۇشىن ەكونوميكالىق قاتىناستاردىڭ قارقىنىن ارتتىرۋعا ۇلەس قوساتىنىمىزعا كامىل سەنەمىن»، – دەلىنگەن جەدەلحاتتا.
سلوۆاكيا رەسپۋبليكاسىنىڭ پرەزيدەنتى اندرەي كيسكا دا قاسىم-جومارت توقاەۆتى قۇتتىقتادى.
«قازاقستان – سلوۆاكيانىڭ ورتالىق ازياداعى ماڭىزدى سەرىكتەسى. ەلدەرىمىز اراسىنداعى ىنتىماقتاستىق ورتاق مۇددەلەرىمىزدى بىلدىرەتىن بارلىق سالالاردا دامي بەرەتىنىنە سەنىم بىلدىرەمىز»، – دەلىنگەن جەدەلحاتتا.
بولگاريا پرەزيدەنتى رۋمەن رادەۆ قاسىم-جومارت توقاەۆقا ەڭبەگىنىڭ جەمىستى بولۋىن جانە قازاقستان حالقىنا باق-بەرەكە تىلەدى.
«ءبىز ءوزارا كۇش جۇمىلدىرا وتىرىپ، مەملەكەتتەرىمىز اراسىنداعى ەكىجاقتى ىنتىماقتاستىقتى نىعايتۋعا جانە دامىتۋعا ۇلەس قوسامىز، – دەلىنگەن جەدەلحاتتا.
شۆەيتساريا كونفەدەراتسياسىنىڭ پرەزيدەنتى ۋلي ماۋرەر قازاقستان مەن شۆەيتساريا اراسىنداعى بايلانىستاردىڭ وتە جاقسى دەڭگەيدە ەكەنىن اتاپ ءوتىپ، ەكى مەملەكەتتىڭ يگىلىگى ءۇشىن ىنتىماقتاستىقتى نىعايتۋعا سەنىم ءبىلدىردى.
اۆستريا پرەزيدەنتى الەكساندر ۆان دەر بەللەن قاسىم-جومارت توقاەۆقا دەموكراتيالىق دامۋ جانە رەفورمالاردى جۇرگىزۋ ىسىندە تابىس تىلەدى.
«حالىقارالىق جانە وڭىرلىك قاۋىپسىزدىك پەن تۇراقتىلىقتى قامتاماسىز ەتۋ جونىندەگى قازاقستاننىڭ ۇزاق مەرزىمدى قىزمەتى ءسىزدىڭ باسشىلىعىڭىزبەن ودان ءارى جالعاسا بەرەتىنىنە سەنىمدىمىن»، – دەلىنگەن جەدەلحاتتا.
لاتۆيا پرەزيدەنتى رايموند ۆەيونيس قازاقستاندى لاتۆيانىڭ ورتالىق ازياداعى ماڭىزدى ارىپتەسى ءارى مەملەكەتتەر اراسىنداعى قارىم-قاتىناستار كونسترۋكتيۆتى ءارى ءوزارا ءتيىمدى ەكەنىن اتاپ ءوتتى.
رەسەي فەدەراتسياسى ۇكىمەتىنىڭ توراعاسى دميتري مەدۆەدەۆ قاسىم-جومارت توقاەۆتىڭ جەتەكشىلىگىمەن ەكونوميكا مەن الەۋمەتتىك سالالاردى مودەرنيزاتسيالاۋدا، ازاماتتاردىڭ ءومىر ءسۇرۋ دەڭگەيىن ارتتىرۋدا كەڭ اۋقىمدى جوسپارلاردى جۇزەگە اسىرۋ جالعاساتىنىنا سەنىم ءبىلدىردى.
«ءسىزدىڭ تاتۋ كورشى، وداقتاس رەسەي مەن قازاقستان قارىم-قاتىناستارىنىڭ ودان ءارى دامۋىن، ەۋرازيالىق ەكونوميكالىق وداق اياسىنداعى ينتەگراتسيالىق ءوزارا ءىس-قيمىلداردى كەڭەيتۋگە بەل شەشە كىرىسۋىڭىزدى قۇپ كورەمىز»، – دەلىنگەن قۇتتىقتاۋ حاتىندا.
رەسەي فەدەراتسياسىنىڭ فەدەراتسيا كەڭەسىنىڭ ءتورايىمى ۆالەنتينا ماتۆيەنكو رەسەي مەن قازاقستاننىڭ قارىم-قاتىناستارى، سونىڭ ىشىندە پارلامەنتتىك باعىت بويىنشا كونسترۋكتيۆتى تۇردە قارقىندى دامىپ كەلە جاتقانىن اتاپ ءوتتى.
«قازاقستان ءسىزدىڭ باسشىلىعىڭىزبەن مەملەكەتتىكتى نىعايتۋ ىسىندە، ۇلتتىق ەكونوميكانى كوتەرۋدە جانە ەۋرازيالىق كەڭىستىكتە ءوزارا ءتيىمدى ينتەگراتسيالىق ۇدەرىستەردى ىلگەرىلەتۋدە جاڭا تابىستارعا جەتەتىنىنە فەدەراتسيا كەڭەسى سەنەدى»، – دەلىنگەن جەدەلحاتتا.
قازاقستان پرەزيدەنتى بولىپ سايلانۋىنا وراي قاسىم-جومارت توقاەۆتىڭ اتىنا قۇتتىقتاۋ حاتتارىن نيدەرلاند كورولى ۆيللەم-الەكساندر، مونعوليا پرەزيدەنتى حالتمااگين باتتۋلگا، يۋنەسكو ۇيىمىنىڭ باس حاتشىسى سەكرەتار ودري ازۋلە، ەكونوميكالىق ىنتىماقتاستىق ۇيىمىنىڭ باس حاتشىسى حادي سولەيمانپۋر، پولشانىڭ بۇرىنعى پرەزيدەنتى الەكساندر كۆاسنەۆسكي، برازيليا فەدەرالدى سەناتىنىڭ توراعاسى، سەناتور داۆي الكولۋمبرە پولشا رەسپۋبليكاسى سەناتىنىڭ مارشالى ستانيسلاۆ كارچەۆسكي، «يتاليا-قازاقستان» پارلامەنتارالىق دوستىق توبىنىڭ توراعاسى ەدموندو چيريەللي، پولشا-قازاقستان ساۋدا-ونەركاسىپ پالاتاسىنىڭ توراعاسى پەتر گۋزوۆسكي، ەۋروپا پارلامەنتىندەگى پولشا رەسپۋبليكاسىنىڭ دەپۋتاتى رىشارد چارنەتسكي، پولشا رەسپۋبليكاسىنىڭ سەناتورى يان فيليپ ليبيتسكي، پولشا رەسپۋبليكاسىنىڭ سەيم دەپۋتاتى توماش لەنتس جولدادى.
Abai.kz
