قىزىلوردا قالاسىندا وبلىستىق مادەنيەت، ارحيۆتەر جانە قۇجاتتاما باسقارماسىنىڭ ۇيىمداستىرۋىمەن «اعا ۇرپاق ونەرى - جاستارعا امانات» اتتى حالىقارالىق سۋرەتشىلەر سيمپوزيۋمى باستالدى. 

وعان وزبەكستان، قىرعىزستان، رەسەي ەلدەرىمەن قاتار، رەسپۋبليكاعا تانىمال 20 قىلقالام شەبەرى مەن جەرگىلىكتى بەلگىلى سۋرەتشىلەر مەن جاستار قاتىسىپ، بەينەلەۋ ونەرىنىڭ ءتۇرلى جانرى بويىنشا سالىنعان جاڭا تۋىندىلارىمەن بولىسپەك. سونىمەن قاتار، ءوز شەبەرلىكتەرى مەن قابىلەتتەرىن شىڭداۋعا مۇمكىندىك تۋادى.

شارا اياسىندا وبلىس ورتالىعىنداعى كوركەمسۋرەت گالەرەياسىنا قازاقستاننىڭ ەڭبەك سىڭىرگەن ونەر قايراتكەرى ساليحيتدين ايتباەۆتىڭ ەسىمى بەرىلدى.

سيمپوزيۋم جۇمىسى 13 ماۋسىم كۇنى قورقىت اتانىڭ جاي تاپقان جەرى – قارماقشى توپىراعىنان باستالىپ، قامباش كولىندە جالعاسىن تاپپاق.

25 ماۋسىمدا كوركەمسۋرەت گالەرەياسىندا ۇيىمداستىرىلعان كورمەمەن سيمپوزيۋم جۇمىسى قورىتىندىلانادى.

Abai.kz