الماتى قالاسىندا ەلباسى ن.ءا.نازارباەۆتىڭ جوعارى مەملەكەتتىك قىزمەتكە كەلگەنىنە 30 جىل تولۋ مەرەيتويىنا ارنالعان «كەمەڭگەرلىكتىڭ 30 جىلى» اتتى حالىقارالىق عىلىمي-تاجىريبەلىك كونفەرەنتسيا ءوتتى.

مەملەكەت باسشىسى قاسىم-جومارت توقاەۆ كونفەرەنتسيادا سويلەگەن سوزىندە تاۋەلسىز قازاقستاننىڭ تاريحى، شىن مانىندە، مەملەكەتىمىزدىڭ نەگىزىن قالاۋشى تۇڭعىش پرەزيدەنت نۇرسۇلتان ءابىشۇلى نازارباەۆتىڭ كوشباسشىلىق تاريحى ەكەنىن اتاپ ءوتتى.

– بۇل جاي عانا مەرەيتويلىق داتا ەمەس، «قازاقستاندىق دامۋ» جولىن انىقتاعان ەل تاريحىنداعى اسا ماڭىزدى كەزەڭ بولدى، – دەدى قازاقستان پرەزيدەنتى.

قاسىم-جومارت توقاەۆ ەلباسىنىڭ باسشىلىعىمەن پوستكەڭەستىك كەڭىستىكتە ەڭ تابىستى مەملەكەتتىك قۇرىلىس جوباسى جۇزەگە اسىرىلعانىن شەتەلدىك ساراپشىلاردىڭ مويىندايتىنىن ايتتى. باياندامادا ايتىلعانداي، ينفلياتسيانىڭ شارىقتاعان، كاسىپورىنداردىڭ جۇمىسى توقتاعان، تاۋارلاردىڭ جاپپاي تاپشىلىعى كۇشەيگەن كەزدەگى پوستكەڭەستىك ەكونوميكانىڭ قيراندىسىنىڭ ورنىنا الەمنىڭ ەڭ دامىعان 50 ەلىنىڭ قاتارىنا قوسىلعان كۇشتى مەملەكەت قۇرىلدى.

مەملەكەت باسشىسى قازىرگى حالىقارالىق قاتىناستاردىڭ نەگىزگى فاكتورلارىنا اينالعان ازياداعى ءوزارا ىقپالداستىق جانە سەنىم شارالارى كەڭەسى، الەمدىك جانە ءداستۇرلى دىندەر كوشباسشىلارىنىڭ سەزى، تاۋەلسىز مەملەكەتتەر دوستاستىعى، شانحاي ىنتىماقتاستىق ۇيىمى، ەۋرازيالىق ەكونوميكالىق وداقتىڭ قۇرىلۋى سياقتى ەلباسىنىڭ سىرتقى ساياساتتاعى باستامالارىنا جان-جاقتى توقتالدى.

– قازاقستان وراسان زور يادرولىق قارۋدان ءوز ەركىمەن باس تارتىپ، جەر بەتىندەگى ءىرى يادرولىق پوليگونداردىڭ ءبىرىن جاپتى. ەلباسى الەمدىك ديپلوماتيا تاريحىنا جاھاندىق يادرولىق قارۋعا قارسى قوزعالىستىڭ كوشباسشىسى رەتىندە ەندى. تۇڭعىش پرەزيدەنت قانا قازاقستاننىڭ استاناسىندا ەۋروپاداعى قاۋىپسىزدىك جانە ىنتىماقتاستىق ۇيىمىنىڭ ازىرگە وسى مىڭجىلدىقتاعى العاشقى ءارى جالعىز ءسامميتىن وتكىزىپ، ەۋرازيالىق قاۋىپسىزدىك دەكلاراتسياسىن قابىلدادى. ەلباسى الەمنىڭ ەڭ بيىك مىنبەرلەرىنەن حالىقارالىق قاتىناستاردى تۇبەگەيلى رەفورمالاۋعا باعىتتالعان ۇسىنىستارىن جەتكىزدى،  –  دەدى قاسىم-جومارت توقاەۆ.

مەملەكەت باسشىسى ءسوزىنىڭ سوڭىندا قازاقستاننىڭ تۇڭعىش پرەزيدەنتى سانالى عۇمىرىن حالقىنا قىزمەت ەتۋگە ارناعان ەلىنىڭ ادال پەرزەنتى ءارى جاھاندىق دەڭگەيدەگى ساياساتكەر ەكەنىن اتاپ ءوتتى.

كونفەرەنتسيا قاتىسۋشىلاردىڭ الدىندا سونىمەن قاتار قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆ تا سويلەدى.

حالىقارالىق كونفەرەنتسيانىڭ پلەنارلىق وتىرىسىنا «جاڭارۋ» جەمقورلىققا قارسى جالپىۇلتتىق قوزعالىسىنىڭ جەتەكشىسى، دەموكراتيالىق كۇشتەردىڭ جالپىۇلتتىق كواليتسياسىنىڭ مۇشەسى ورالباي ابدىكارىموۆ، رەسەي عىلىم اكادەمياسىنىڭ جالپى تاريح ينستيتۋتىنىڭ ديرەكتورى ميحايل ليپكين، قر پارلامەنت ءماجىلىسىنىڭ دەپۋتاتى قۋانىش سۇلتانوۆ، شانحاي قوعامدىق عىلىم اكادەمياسىنىڭ رەسەي جانە ورتالىق ازيا زەرتتەۋ ورتالىعىنىڭ ديرەكتورى داۆەي پان، وزبەكستان پرەزيدەنتى جانىنداعى ستراتەگيالار جانە ايماقارالىق زەرتتەۋلەر ينستيتۋتىنىڭ ديرەكتورى ەلدور تاحيروۆ، قىرعىز رەسپۋبليكاسىنىڭ ەكس-مەملەكەتتىك حاتشىسى وسمانقۇن يبرايموۆ، امەريكالىق ساياساتتانۋشى جانە جۋرناليست اريەل كوەن، ءازىربايجان رەسپۋبليكاسىنىڭ ميللي ءماجىلىسىنىڭ دەپۋتاتى، ازەربايجان مەملەكەتتىك باسقارۋ اكادەمياسىنىڭ جانىنداعى ساياسي زەرتتەۋلەر ينستيتۋتىنىڭ ديرەكتورى ەلمان ناسيروۆ، «ۆالداي» حالىقارالىق پىكىرتالاس كلۋبىنىڭ باعدارلامالىق ديرەكتورى، رەسەي ءسىم ماسكەۋ مەملەكەتتىك حالىقارالىق قاتىناستار ينستيتۋتىنىڭ (مگيمو) حالىقارالىق زەرتتەۋلەر ينستيتۋتىنىڭ ديرەكتورى اندرەي سۋشەنتسوۆ، مەملەكەت جانە قوعام قايراتكەرى راۆيل چەرداباەۆ قاتىستى.

Abai.kz