28 ماۋسىمدا ارىس قالاسى اشىلدى. جۇما كۇنى تاڭعى 6.00-دەن باستاپ شىمكەنتتەگى قىرىقتان اسا ەۆاكۋاتسيالىق پۋنكتەن ارىستىقتاردى اۆتوبۋس ۇيلەرىنە جەتكىزدى.
تۇركىستان وبلىسىنىڭ اكىمدىگى بۇگىن، 28 ماۋسىمدا ەكولوگيا ءمينيسترى ماعزۇم مىرزاعاليەۆتىڭ "قالادا رادياتسيا جوق" دەگەن مالىمدەمەسىن تاراتتى.
"اۋا تازا، سۋ مەن جەر لاستانباعان. ەكولوگيا، گەولوگيا جانە تابيعي رەسۋرستار ءمينيسترى ارىس قالاسىنىڭ ەكولوگياسى قاۋىپسىز ەكەنىنە كەپىلدىك بەرەدى" دەيدى مينيستر مىرزاعاليەۆ.
تۇركىستان وبلىسى اكىمىنىڭ كەڭەسشىسى ساكەن قالقامانوۆ ءوزىنىڭ Facebook پاراقشاسىندا ارىستىقتار وتىرعان اۆتوبۋستار مەن سناريادتار قۇلاپ زاقىمدانعان ۇيلەردىڭ ۆيدەوسىن جاريالادى.
كەشە، 27 ماۋسىمدا جۇزدەگەن ارىستىق كوشەگە شىعىپ، "ۇيىمىزگە قايتۋدان قورقامىز، باسقا جەردەن باسپانا نە جەر بەرىڭدەر" دەگەن. بيلىككە نارازىلىق كۇشەيگەن تۇستا تۇركىستان وبلىسىنىڭ اكىمى ومىرزاق شوكەەۆ جارىلىس بولعان قالانىڭ 28 ماۋسىم كۇنى تاڭعى 8.00-دە اشىلاتىنىن حابارلاعان.
24 ماۋسىم كۇنى تاڭەرتەڭ ارىستاعى اسكەري وق-ءدارى قويماسىندا الدىمەن ءورت شىعىپ، كەيىن جارىلىستار بولعان. دەنساۋلىق ساقتاۋ مينيسترلىگىنىڭ دەرەگىنشە، جارىلىستان ءۇش ادام مەرت بولىپ، 160-تان استام ادام زارداپ شەككەن.
Abai.kz
