پوەزيا – ءبىر بولمىستى عانا ەمەس، مىڭداعان بولمىستىڭ جيىنتىعى... ادامنىڭ وي-قيالىنان شىققان تۆورچەستۆولىق كەزەڭدى كورسەتەتىن  كوركەم سوزدەردىڭ بارلىعى دا پوەزياعا جاتادى. پوەزياعا ولەڭمەن جازىلماعان سوزدەر دە كىرەدى، سەبەبى ولەڭمەن جازىلماعان شىعارمالاردا دا ادامنىڭ تۆورچەستۆولىق وي-قيالىنىڭ جەمىسى.

اقىنداردىڭ ورەلى ونەرى، ورنەكتى سوزدەرى ارقىلى تاۋەلسىزدىك مۇراتتارى مەن قۇندىلىقتارىن ناسيحاتتاپ، ەل ەگەمەندىگى جولىنداعى تۇڭعىش پرەزيدەنت ن.ءا.نازارباەۆتىڭ «بولاشاققا باعدار: رۋحاني جاڭعىرۋ» باعدارلاماسىنىڭ ماڭىزدىلىعىن پاش ەتە وتىرىپ، وسكەلەڭ ۇرپاقتى وتانسۇيگىشتىككە تاربيەلەپ، ولاردىڭ تانىم، تالعامىن ۇلت رۋحانياتىنا باعىتتاۋ، قازاقتىڭ ءتول ونەرى، قۇدىرەتتى ءسوزى ارقىلى مەملەكەتتىك ءتىلدىڭ مەرەيىن ارتتىرۋ، قولدانىس اياسىن كەڭەيتۋ بارىسىندا، سونداي-اق، قازاقستان حالىقتارى اسسامبلەياسى دوستىق تۋىنىڭ اسقاقتاۋى جولىندا رەسپۋبليكالىق «تۋعان جەر» پاتريوتتىق شىعارماشىلىعىن ۇيىمداستىرۋ ماقساتىندا «ادىرنا» ۇلتتىق ەتنوگرافيالىق بىرلەستىگى «تۋعان جەرىم – قازاقستانىم» دەگەن تاقىرىپتا سولتۇستىك قازاقستان، پاۆلودار، قوستاناي جانە اقمولا وبلىستارىنداعى وزگە ۇلت وكىلدەرىنىڭ جاستارى اراسىندا رەسپۋبليكالىق بايقاۋ جاريالانادى.

4 وبلىستان جينالعان جاستار 2 تۋردان تۇراتىن بايقاۋدا پەتروپاۆل قالاسىندا وتەتىن جارىستا باق سىنايدى. بايقاۋعا 14 پەن 29 جاس ارالىعىنداعى جاستار قاتىسادى. جەڭىمپازدار العىس حاتتارمەن جانە ارنايى سىيلىقتارمەن ماراپاتتالادى.

سونىمەن قاتار، «ۇزدىك پوەزيا» نوميناتسيالارى بويىنشا رەسپۋبليكالىق بايقاۋ جاريالانادى. بايقاۋعا قابىلدانعان بارلىق شىعارمالار «ادىرنا» ۇلتتىق پورتالىندا (adyrna.kz) جارىق كورەدى. بايقاۋعا قازاقستاننىڭ بارلىق وڭىرىنەن (14 وبلىستان، 3 قالادان)  14 پەن 29 جاس ارالىعاندا جاستار قاتىسادى.

شىعارماشىلىق بايقاۋدان ۇزدىك ورىن العاندار قورىتىندى رەسپۋبليكالىق فەستيۆالعا شاقىرىلادى جانە سول جەردە العىس حاتتارمەن جانە ارنايى سىيلىقتارمەن ماراپاتتالادى.

جاستاردىڭ جان دۇنيەسىنىڭ جاڭعىرۋىنا، قازاقستانداعى ۇلتتار مەن ۇلىستار ارالىعىنداعى تاتۋلىقتىڭ جالاۋىن جەلبىرەتىپ، جاس اقىنداردىڭ پاتريوتتىق سەزىمى مەن شىعارماشىلىعىن شىڭداۋ ماقساتىندا  رەسپۋبليكالىق  «تۋعان جەر» پاتريوتتىق شىعارماشىلىعىن ۇيىمداستىرۋدى قولعا العان «ادىرنا» ۇلتتىق ەتنوگرافيالىق بىرلەستىگى بايقاۋعا جىرسۇيەر جاستاردى شاقىرادى. تۋعان جەردىڭ تۋىن بىرگە جەلبىرەتەيىك، دوستار!

بايقاۋدىڭ ەرەجەسى الداعى ۋاقىتتا ءباسپاسوز قۇرالدارىندا جانە الەۋمەتتك جەلىلەردە جاريالانادى.

Abai.kz