ءيا، ازيا جۋرناليستەرى قاۋىمداستىعىنا التى جىل تولدى. اي سايىن جارىق كورەتىن "MagazineN" جۋرنالى شىلدە ايىنداعى سانىندا التى جىلدىق مەرەيتويىن اتاپ وتەدى.

"MagazineN" جۋرنالى - بۇل ازيا جۋرناليستەرى قاۋىمداستىعى اجق  (AJA (Asia Journalist Association)  مۇشەلەرىنىڭ ماقالالارى باسىلاتىن ايدىك جۋرنال.

باسىلىمنىڭ العاشقى سانى 2013 جىلدىڭ شىلدەسىندە وقىرمانعا جول تارتقان ەكەن. كۇنى بۇگىنگە دەيىن ارنايى باسىلىم مەن قوسىمشا ەكى جيناقتى قوسقاندا، ۇزىن-ىرعاسى 69 ءنومىرى جارىق كورىپتى.

ال ءبىز تىلگە تيەك ەتىپ وتىرعان ازيا جۋرناليستەرى قاۋىمداستىعى 2011 جىلى، سولتۇستىك-شىعىس ازيا ماسەلەلەرىنە بايلانىستى قۇرىلعان ۇيىم. قاۋىمداستىق كەيىنىرەك، ورتالىق ازيا، تاياۋ شىعىس ماسەلەلەرىنە دە بەلسەندى ارالاسىپ، ازيا اۋماعىنداعى قالامگەر جۋرناليستەرمەن بىرلەسىپ جۇمىس ىستەي باستادى.

ونداعى قالام ۇستاعان ۇل-قىزداردىڭ بارلىعى دەرلىك ءسوز بوستاندىعىن ۇران ەتىپ، جۋرناليستيكانىڭ جارقىن بولاشاعى جولىندا ايانباي ەڭبەك ەتىپ كەلەدى.

"MagazineN" جۋرنالى جارىق كورگەلى بەرى ازيا ماسەلەلەرىن ازيالىقتاردىڭ كوزقاراسى تۇرعىسىنان كوتەرۋگە اتسالىسىپ كەلەدى. "MagazineN" ءداستۇرلى جۋرناليستيكا قۇرىلىمى مەن الەۋمەتتىك جەلىلەردىڭ دامۋى ارقىلى وقىرمانعا باق اتموسفەراسىنىڭ وزگەرۋىنىڭ ءمانى مەن جەتىستىگىنە نەگىزدەلگەن اقپاراتتى بەرۋگە ۇمتىلادى. "AsiaN" ونلاين باسىلىمى دا اتالعان جۋرنالمەن تىعىز قارىم-قاتىناستا ەكەن. "MagazineN" اۋەلدە اجق تاراپىنان قۇرىلعان بولسا، "AsiaN" اعىلشىن، اراب جانە كورەي تىلدەرىندە اقپارات تاراتادى. كورەيا، سولتۇستىك-شىعىس ازيا، ASEAN ەلدەرى، باتىس وڭتۇستىك ازيا، ورتالىق ازيا جانە تاياۋ شىعىس سياقتى بەس ايماقتى قامتيدى. اعىلشىن تىلىندەگى "AsiaN" سايتىنىڭ جاڭا رەداكتورى باحرەيندىك جۋرناليست حابيب مىرزا دا ەندىگى ءوز ايماعىن كەڭەيتىپ، ۇلعايتۋعا كىرىسكەن.

التى جىلدىعىن اتاپ وتكەلى وتىرعان MagazineN جۋرناليستەرى مەن رەداكتسياسى التى جىلدىق تاجىريبەسىن الداعى التى ونجىلدىقتا دا جالعاستىرۋعا دايىن. بۇل باستامانىڭ جولى كۇردەلى بولماق. دەگەنمەن، ازيالىق جۋرناليستەردىڭ ىنتىماعى بىرلىگى كەز كەلگەن قيىندىقتى ەڭسەرۋگە قاۋقارلى. سەبەبى، اجق-نىڭ جۇمىس ىستەپ كەلە جاتقانىنا 15 جىل بولدى. سونىمەن قاتار، جۋرنالدىڭ سوڭعى نومىرىندە موڭعوليا پرەزيدەنتى حالتماا باتتۇلعانىڭ سۇحباتى جاريالاندى. بۇل باسقا مەديانىڭ قولىنان كەلمەيتىن ماڭىزدى ىستەردى "AsiaN" اتقارا الاتىنىنىڭ دالەلى. جارقىن كەلەشەك ءۇشىن ەڭبەك ەتكىسى كەلەتىن جۋرناليستەرگە "MagazineN" جۋرنالىنىڭ ەسىگى ءاردايىم اشىق. "MagazineN" قىزىعۋشىلىق تانىتقان ءار ادامدى ۇلتى، جىنىسى، ءدىنى جانە باسقا بەلگىلەرىنە قاراي الالامايدى. بۇگىندە يتاليا، تۇركيا، سولتۇستىك كورەيا جانە وڭتۇستىك كورەيانىڭ 20 مەن 30 ارالىعىنداعى جاستارى AJA قۇرىلتايشى پرەزيدەنتى لي سانگ-كيمەن جۇمىس ىستەيدى. لي سانگ-كي بۇرىن كورەيا جۋرناليستەرى اسسوتسياتسياسىنىڭ پرەزيدەنتى بولعان.

Abai.kz