وسكەمەن قالاسىندا ش. شاياحمەتوۆ اتىنداعى «ءتىل-قازىنا» ۇلتتىق-عىلىمي پراكتيكالىق ورتالىعى ۇيىمداستىرۋىمەن  10-11 شىلدەدە   «لاتىن ءالىپبيىنىڭ ەملە ەرەجەلەرىن  يگەرتۋ: تەوريا جانە تاجىريبە» اتتى رەسپۋبليكالىق  سەمينار وتكىزدى.   ىسشارانىڭ ماقساتى – جاڭا ەملە ەرەجەلەرىن ەرەسەكتەرگە مەڭگەرتۋدىڭ عىلىمي-پراكتيكالىق ۇستانىمدارىن، وقىتۋ پروتسەسىندە كەزدەسەتىن قيىندىقتاردى سارالاۋ جانە ولاردى شەشۋدىڭ ءتيىمدى ادىستەمەلىك جولدارىن قاراستىرۋ.

ەكى كۇندىك سەميناردا ارنايى ازىرلەنگەن باعدارلاما بويىنشا 18 بايانداما وقىلدى. سەميناردى ش. شاياحمەتوۆ اتىنداعى «ءتىل-قازىنا» ۇلتتىق-عىلىمي پراكتيكالىق ورتالىعىنىڭ  (بۇدان ءارى –  ورتالىق) باس ديرەكتورى ءا. اسقار جۇرگىزدى.

ش. شاياحمەتوۆ اتىنداعى «ءتىل-قازىنا» ۇلتتىق-عىلىمي پراكتيكالىق ورتالىعىنىڭ اتقارۋشى ديرەكتورى ە. تىلەشوۆ  «جاڭا ەملە: مىندەتتەر جانە اتقارىلعان جۇمىستار» جۇمىستارمەن تانىستىردى. ال ورتالىقتىڭ عالىم حاتشىسى ا.فازىلجان جاڭا ءالىپبي مەن ەملەنى مەڭگەرتۋ ءۇشىن قاجەتتى فونولوگيا، گرامماتولوگيا، جازۋ تەورياسى، ورفوگرافيا، ورفوەپيا، گرافيكا ت.ب. تىلتانىمدىق بىلىمدەر جۇيەسى تۋرالى ماڭىزدى عىلىمي-تەوريالىق اقپاراتتارمەن ءبولىستى. اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ پروفەسسورى ت.اياپوۆا جاڭا ەملەنى وقىتۋدا پسيحولينگۆيستيكالىق وقۋ جانە جازۋ داعدىلارىن قالىپتاستىرىپ ەملە ەرەجەلەرىن سىني تۇرعىدان، ياعني ءوز وي ەلەگىنەن وتكىزۋ ارقىلى مەڭگەرتۋ تۋرالى جانە وقۋلىق قۇراستىرۋداعى ادىستەمەلىك نەگىزدەرى جايىندا اقپارات بەردى. ورتالىقتىڭ ادىستەمە باسقارماسىنىڭ باسشىسى ا. سەيىتبەكوۆا رەسپۋبليكالىق كولەمدە وتكىزىلىپ جاتقان  72 ساعاتتىق جانە 12 ساعاتتىق كۋرس تۋرالى جانە وقىتۋداعى ارتىقشىلىقتارى مەن قيىندىقتارى جايىندا ويىمەن ءبولىستى. اتاپ ايتقاندا، جازۋ-سىزۋدا كەزدەسەتىن كالليگرافيا ماسەلەسىن كوتەردى. وقىتۋ بويىنشا وتكىزىلگەن ساۋالنامانىڭ ناتيجەسى تۋرالى اقپارات بەردى.

سونداي-اق، سەميناردا جارناما ماتىندەرى مەن مەكەمە ماڭدايشالارىن وبلىس، قالا، اۋدان مىسالدارىندا لاتىن الىپبيىندە ازىرلەۋ بويىنشا ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسسورى، فيل.عىل. دوكتورى ج.جاقىپ، اتالمىش مەكەمەنىڭ دوتسەنتى، فيل.عىل.كانديداتى ق.سارەكەنوۆا، ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ قازاق ءتىل ءبىلىمى كافەدراسىنىڭ دوتسەنتى، فيل.عىل.كانديداتى م. تۇرسىنوۆا، س.دەميرەل ۋنيۆەرسيتەتىنىڭ دوتسەنتى، فيل.عىل.كانديداتى ن. رساليەۆا   بايانداما وقىدى.

پروفەسسور ج. جاقىپ جارناما ماتىندەرىن ازىرلەۋدىڭ ماقساتى مەن مىندەتتەرىمەن تانىستىرا وتىرىپ، بۇگىنگى جارناما ماتىندەرىندەگى ستيلدىك، قۇرىلىمدىق قاتەلەرى بار اقپاراتتارمەن ءبولىستى. بايانداما بارىسىندا ورفوگرافيالىق كەڭىستىكتەگى جارنامانىڭ ەملەسى مەن پۋنكتۋاتسياسى بويىنشا اتقارىلاتىن جۇمىستارىمەن تانىستىردى.

سەميناردىڭ ەكىنشى بولىگىندە نازارباەۆ ۋنيۆەرسيتەتىنىڭ قازاق ءتىلى جانە تۇركىتانۋ كافەدراسىنىڭ اسسيستەنت-پروفەسسورى ج. اعابەكوۆا «كاسىبي سالا ماماندارىنا جاڭا ءالىپبيدى ۇيرەتۋدىڭ ءتيىمدى ادىستەرى» بويىنشا ءوز ۇسىنىستارىمەن ءبولىستى.

ورتالىقتىڭ ۇيىمداستىرۋىمەن جاڭا ءالىپبي مەن ەملە ەرەجەلەرىن مەڭگەرتۋ ماقساتىندا كوپشىلىككە  ارنالعان وقۋ قۇرال ازىرلەۋ بويىنشا قاراعاندى وبلىسى رەسۋرستىق ءتىل ورتالىعىنىڭ ءبولىم مەڭگەرۋشىسى ج. جاقانوۆا «جاڭا ەملە وقۋ قۇرالى: مازمۇنى مەن قۇرىلىمى» تاقىرىبىمەن وقۋ-ادىستەمەلىك قۇرالدىڭ باستى ماقساتى مەن نەگىزگى مىندەتتەرىمەن، وقۋلىق تۇزۋدە باسشىلىققا الىناتىن ۇستانىمدارىممەن  تانىستىرسا، وسى وقۋلىقتىڭ سواۆتورلارى ش. شاياحمەتوۆ اتىنداعى «ءتىل-قازىنا» ۇلتتىق-عىلىمي پراكتيكالىق ورتالىعىنىڭ عىلىمي قىزمەتكەرلەرى م. دارمەن، ن. جۇماحانوۆا، نازارباەۆ ۋنيۆەرسيتەتىنىڭ وقىتۋشىسى ا.بالابەكوۆ وقۋلىق مازمۇنى بويىنشا ازىرلەگەن تاپسىرمالارىن تالقىلاۋعا سالدى. ازىرلەنىپ جاتقان  وقۋ-ادىستەمەلىك قۇرالىنىڭ جوباسى بويىنشا پروفەسسور ت. اياپوۆا، ا. فازىلجانوۆا جانە وبلىس ءتىل ۇيرەتۋ ورتالىقتارىنىڭ قىزمەتكەرلەرى تاراپىنان ۇسىنىس-پىكىرلەر ايتىلدى.

Abai.kz