جاس قالامگەرلەرگە ارنالعان "وتانىم، ساعان ايتامىن" اتتى پروزالىق ونلاين-بايقاۋىنا شىعارمالار قابىلداۋ 20 شىلدە كۇنى اياقتالادى.

2019 جىلعى جاستار جىلىنا وراي Massaget.kz پورتالى ERG كومپانياسىنىڭ قولداۋىمەن جاس تالانتتاردى جارىققا شىعارۋ، شىعارماشىلىعىن قولداۋ ماقساتىندا 15-29 جاس ارالىعىنداعى جاس قالامگەرلەر اراسىندا "وتانىم، ساعان ايتامىن" اتتى پروزالىق ونلاين-بايقاۋىن جاريالاعان بولاتىن.

بايقاۋ ماقساتى – ەگەمەن ەلدىڭ ەرتەڭى سانالاتىن جاستار اراسىنداعى وتان تۇسىنىگىن قالىپتاستىرۋ، پاتريوتتىق سەزىمىن وياتىپ، قۇلاشىن كەڭگە جايعان بۇگىنگى تاۋەلسىز ەلىمىزدىڭ جەتىستىكتەرىن بايانداۋ، ناسيحاتتاۋ، جاس قالامگەرلەردى قولداۋ جانە شىعارماشىلىعىن دامىتۋ.

قاتىسۋشىلاردىڭ ەسسەلەرى baikaumassaget@gmail.com پوشتاسىنا 2019 جىلدىڭ 24 مامىرىنان باستاپ تۇسە باستادى. وسى ۋاقىتقا دەيىن 100-دەن ارتىق جاس جازۋشىلار ءوز جۇمىستارىن ورىس جانە قازاق تىلدەرىندە جىبەرىپ ۇلگەردى.

ىرىكتەۋدەن وتكەن شىعارمالار Massaget.kz جانە Tengrinews.kz پورتالدارىندا جاريالاندى جانە جۇلدىز FM مەن Tengri FM ەفيرىندە وقىلدى.

وتان تاقىرىبىنداعى ۇزدىك پروزا (ەسسە، اڭگىمە) بويىنشا تومەندەگىدەي جۇلدەلەر تاعايىندالعان:

1-ورىن 300 000 تەڭگە;
2-ورىن 150 000 تەڭگە;
3-ورىن 100 000 تەڭگە.

20 شىلدەدە شىعارمالار قابىلداۋ ۋاقىتى اياقتالعاننان كەيىن الداعى 5 كۇندە ادىلقازىلار شەشىمىمەن جەڭىمپازدار انىقتالادى.

Abai.kz