سىبايلاس جەمقورلىققا قارسى ءىس-قيمىل اگەنتتىگى دەنساۋلىق ساقتاۋ سالاسىندا جۇمىس ىستەيتىن لاۋازىمدى تۇلعالاردىڭ تۇتقىندالۋىنا قاتىستى بەينەروليك جاريالادى.  

روليكتە سىبايلاس جەمقورلىققا قارسى قىزمەت وكىلدەرى سوتتالعانداردىڭ اتى-جوندەرى مەن سۋرەتتەرىن كورسەتەدى. سونداي-اق، ولاردىڭ تۇتقىندالىپ جاتقان ساتتەرىنەن ۇزىندىلەر كەلتىرىلگەن.

ايتا كەتەيىك، 2016-2019 جىلدار  ارالىعىندا دەنساۋلىق ساقتاۋ سالاسى بويىنشا 433 جەمقورلىق فاكتىسى انىقتالعان. 191 ادام جاۋاپكەرشىلىككە تارتىلدى. ەڭ كوپ قىلمىس تۇركىستان، قىزىلوردا، پاۆلودار جانە باتىس قازاقستان وبلىستارىندا بولعان.

سىبايلاس جەمقورلىققا قارسى كۇرەس باسقارماسىنىڭ ءبىرىنشى ورىنباسارى ولجاس بەكتەنوۆ ايتۋىنشا، كىنالىلەر بۇعان دەيىن «جالعان مەديتسينالىق انىقتاما جاساۋ» بويىنشا ايىپتالعان.

Abai.kz