نۇرجان مۇحامەدجانوۆا "الماتى" تەلەارناسىنىڭ ديرەكتورى بولىپ تاعايىندالدى. 

"الماتى" تەلەارناسى ديرەكتورلار كەڭەسىنىڭ شەشىمىمەن "قازاق راديولارى" جشس بۇرىنعى باس ديرەكتورى نۇرجان مۇحامەدجانوۆا "الماتى" تەلەارناسىنىڭ باس ديرەكتورى قىزمەتىنە تاعايىندالدى", - دەلىنگەن الماتى اكىمدىگىنىڭ سايتىندا.

مۇحامەدجانوۆا نۇرجان جالاۋقىزى ەڭبەك جولىن قازاق راديوسىندا بالالار مەن جاستارعا ارنالعان باعدارلامالار رەداكتورى قىزمەتىنەن باستاعان.

1991 جىلى قازاق راديوسىنىڭ "شالقار" اقپاراتتىق-ساراپتامالىق باعدارلامالار رەداكتسياسىنىڭ باس رەداكتورى بولىپ تاعايىندالدى.

1992 - 1994 جىلدارى قازاق راديوسىنىڭ ساياسي ساراپشىسى جانە باس ديرەكتوردىڭ ءبىرىنشى ورىنباسارى قىزمەتىن اتقاردى.

1995 - 1997 جىلدارى قر پرەزيدەنتىنىڭ ءباسپاسوز قىزمەتىندە ەنبەك ەتتى.

1997 - 2006 جىلدارى قازاقستانداعى Internews Network حالىقارالىق ۇيىمى وكىلدىگىنىڭ ديرەكتور ورىنباسارى، اتقارۋشى ديرەكتورى بولدى.

2006 - 2011 جىلدارى "31 تەلەارناسىنا" جەتەكشىلىك ەتتى.

2011 جىلدىڭ شىلدە ايىنان باستاپ 2016 جىلدىڭ قازان ايىنا دەيىن "قازاقستان" اق ترك باسقارما ءتورايىمى قىزمەتىن اتقاردى.

2016 جىلدان بۇگىنگى كۇنگە دەيىن "31 ارنانىڭ" باس پروديۋسەرى، "قازاقستان" اق ترك قۇرامىنداعى "قازاق راديولارى" جشس باس ديرەكتورى قىزمەتىندە بولدى.

ەستەرىڭىزگە سالا كەتەيىك، وسىعان دەيىن "الماتى" تەلەارناسىن بولات كاليانبەكوۆ باسقارعان. ول 10 شىلدەدە ول Nur Media حولدينگى باس ديرەكتورى بولىپ تاعايىندالدى.

Abai.kz