"بيلىك "قاۋىپسىزدىك شاراسى" دەپ اتاعان بۇل ءتاسىل ۇكىمەتتىڭ تسەنزۋرانى كۇشەيتىپ، ازاماتتاردى باقىلاۋ مۇمكىندىگىن ارتتىرۋ ۇمتىلىسى سياقتى. قازاقستان بيلىگىنىڭ جۋرناليستەردى تۇرمەگە جاۋىپ، قۋدالاپ، تسەنزۋرا قولدانۋدا كوپ جىلدىق تاجىريبەسى بار. سوندىقتان ازاماتتاردى "قاۋىپتى كونتەنتتەن" قورعاۋ باستاماسىنا ۇلكەن كۇمانمەن قاراۋىمىز كەرەك" دەيدى قۇقىق قورعاۋ ۇيىمىڭ ديرەكتورى كورتني رادش.
قازاقستاننىڭ تسيفرلىق دامۋ، قورعانىس جانە اەروعارىش ونەركاسىبى ءمينيسترى اسقار جۇماعاليەۆ بۇگىن، 23 شىلدەدە نۇر-سۇلتاندا وتكەن ءباسپاسوز جيىنى كەزىندە "قاۋىپسىزدىك سەرتيفيكاتى" قولدانۋشىلاردىڭ اقپاراتتىق قاۋىپسىزدىگىن قامتاماسىز ەتەدى" دەپ مالىمدەگەن. جەرگىلىكتى پروۆادەيلەر «ينتەرنەت-رەسۋرستارعا كىرۋدە قيىندىق بولماس ءۇشىن" سەرتيفيكاتتى جۇكتەپ الۋعا كەڭەس بەرگەن.
كەيبىر IT ماماندارى قازاقستاننىڭ ارنايى قىزمەتتەرى "قاۋىپسىزدىك سەرتيفيكاتتارى ارقىلى ازاماتتاردىڭ جەكە دەرەكتەرىن – حات-حابارىن، قۇپيا سوزدەرىن، نە ىزدەگەنى مەن قانداي سايتتارعا كىرگەنىن باقىلاي الادى"دەپ قاۋىپتەنگەن. قازاقستان بيلىگى سەرتيفيكات ەرىكتى تۇردە ورناتىلادى دەگەنىمەن، ازاماتتار سەرتيفيكات ورناتىلماعان قۇرىلعىلارمەن ينتەرنەتتە وتىرۋ قيىنداعانىن ايتقان.
Abai.kz
