«اباي ولەڭدەرىن جاتقا وقۋ» ەستافەتاسى رەسپۋبليكالىق دەڭگەيدەن اسىپ، حالىقارالىق دەڭگەيگە دەيىن جەتتى. ەستافەتانى جاپونيانىڭ ءبىلىم، مادەنيەت، سپورت، عىلىم جانە تەxنولوگيالار ءمينيسترى قىزمەتىن اتقارعان تاكەو كاۆامۋرا جالعاستىرىپ وتىر.

جاپون دەپۋتاتىنا اباي شىعارمالارىن وقۋ ەستافەتاسىن قر سەناتىنىڭ دەپۋتاتى، كوميتەت توراعاسى مۇحتار ابرارۇلى قۇل-مۇحاممەد جولداعان ەكەن.

"قازاقتىڭ ۇلى اقىنى، عۇلاماسى اباي قۇنانبايۇلىنىڭ تۋعانىنا 175 جىلدىعا وراي، دوسىم قۇل-مۇحاممەدتەن پوەزيا ەستافەتاسىن قابىلداپ، ابايدىڭ 38-ءشى قارا سوزىنەن ءۇزىندى وقىپ بەرگىم كەلەدى", - قازاقستانمەن پارلامەنتتىك دوستىق ليگاسىنىڭ توراعاسى تاكەو كاۆامۋرا.

سونداي-اق، ول ەستافەتانى جالعاستىرۋدى ەستافەتانى قازاقستاننىڭ جاپونياداعى ەلشىسى ەرلان باۋداربەك-قوجاتاەۆقا تاپسىردى.

«اباي ولەڭدەرىن جاتقا وقۋ» ەستافەتاسىنىڭ كەڭ كولەمدە جالعاسۋىنا 9 جاستاعى مەكتەپ وقۋشىسى ءلايلىم-شىراق ەرلانقىزى تۇرتكى بولدى. ول ۇلى اقىننىڭ ولەڭىن وقىپ، ونى پرەزيدەنت قاسىم-جومارت توقاەۆقا جولداعان بولاتىن.

مەملەكەت باسشىسى ەستافەتاعا قولداۋ ءبىلدىرىپ، اقىننىڭ «عىلىم تاپپاي ماقتانبا» ولەڭىنەن ءۇزىندى وقىدى. ءارى ەستافەتانى ودان ءارى ءبىلىم جانە عىلىم ءمينيسترى اسحات ايماعامبەتوۆكە، مادەنيەت جانە سپورت ءمينيسترى اقتوتى رايىمقۇلوۆاعا جانە بۇكىل الەمدى مويىنداتقان تالانتتى ءانشى ديماش قۇدايبەرگەنگە جولداعان.

الەمگە ايگىلى قازاق ءانشىسى ديماش قۇدايبەرگەن دە مەملەكەت باسشىسى ۇسىنعان ەستافەتانى قۋانىشپەن قابىل الىپ، ۇلى اقىننىڭ «قاقتاعان اق كۇمىستەي كەڭ ماڭدايلى» ولەڭىن وقىدى. ديماش بۇل challenge-ءدى جالعاستىرۋدى اقتوبە وبلىسىنىڭ اكىمى وڭداسىن سەيىلۇلى ورازالينگە، رف-نىڭ حالىق ءارتiسi يگور كرۋتويعا جانە ءوزىنىڭ بارلىق تىڭدارمانىنا تاپسىرعان ەدى. وسىعان وراي رەسەيلىك ونەرپاز دا ۇلى ابايدىڭ ولەڭىن وقىعان بولاتىن.

Abai.kz