قازاقستان پرەزيدەنتى قاسىم-جومارت توقاەۆ پويىز بيلەتتەرىنىڭ تاپشىلىعىن قولدان جاساۋ پروبلەماسىن شەشۋدى تاپسىردى. بۇل تۋرالى ول Twitter-دەگى جەكە پاراقشاسىندا جازدى.

"ۇكىمەتكە جاز مەزگىلىندە پويىز بيلەتتەرىنىڭ تاپشىلىعىن قولدان جاساۋدى توقتاتۋ تۋرالى تاپسىرما بەردىم. بۇل جاعداي ازاماتتارىمىزعا قولايسىزدىق تۋعىزىپ، ەلىمىزدەگى ىشكى ءتۋريزمنىڭ دامۋىنا كەدەرگى كەلتىرىپ وتىر", - دەپ جازدى مەملەكەت باسشىسى.

وتكەن جىلدىڭ جازىندا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ (قازىر بۇل ەكى بولەك اگەنتتىك – Sputnik) قۇپيا ساتىپ الۋشىلارى نەلىكتەن بيلەت كاسسالارىندا جول ءجۇرۋ قۇجاتتارىن ساتىپ الۋ مۇمكىن ەمەس ەكەنىن انىقتاۋ ءۇشىن تەمىرجول بيلەتتەرىن دەلدالداردان ساتىپ العان بولاتىن.

قولداعى بيلەتتەر كوبىنەسە 50% -عا قىمبات بولاتىنى بەلگىلى بولدى، اسىرەسە ادامدار ءجيى قاتىنايتىن باعىتتاردا باعا ەكى ەسەگە دەيىن ءوسۋى مۇمكىن. نەگىزىنەن الىپساتارلار – جەكە تۇلعالار.

Abai.kz