رف ادام قۇقىقتارى جونىندەگى ۋاكىلى تاتيانا موسكالكوۆا تەڭىزشىلەر مولداۆياعا بەت العانىن ايتتى. ول جاقتان ماسكەۋگە ۇشپاق.

ۋكراينا باس پروكۋراتۋراسى ەكيپاجدىڭ ون مۇشەسى كۋاگەر رەتىندە تەرگەلگەنىن مالىمدەدى. بىراق ولاردىڭ بوساتىلعانى جونىندە پىكىر بىلدىرۋدەن باس تارتتى. ۋكراينا قاۋىپسىزدىك قىزمەتى تەرگەۋ ءجۇرىپ جاتقاندىقتان، ءىس ماتەريالدارى ازىرگە اشىلمايدى دەدى.

ۋكراينا مەدياسىندا تەڭىزشىلەر تەرگەۋشىلەردىڭ شاقىرۋىنا كەلەمىز دەپ مىندەتتەمە العانىن، بۇل ولاردىڭ رەسەيگە كەتۋىنە كەدەرگى كەلتىرمەيتى جونىندە ايتىلىپ جاتىر.

25 شىلدە تاڭەرتەڭ ۋكراينا رەسەيلىك "نيكا سپيريت" تانكەرىن ۇستاعان. بەلگىلى بولعانداي، كەمە ودەسسا وبلىسىنداعى يزمايل پورتىنا توقتاعان.

ۋكراينا قاۋىپسىزدىك قىزمەتىنىڭ مالىمەتىنشە، اتالعان تانكەر بىلتىر قاراشا ايىندا كەرچ بۇعازىندا رەسەيلىكتەردىڭ ءۇش ۋكراين كەمەسىن ۇستاۋ ساتىندە ولارعا توسقاۋىل قويعان. سول كەزدە اتالعان كەمە "نەيما" دەپ اتالعان ەكەن.

Abai.kz