فرانس پرەسس اقپارات اگەنتتىگىنىڭ اقش شەنەۋنىگىنە سىلتەمە جاساپ حابارلاۋىنشا، پحەنيان قىسقا قاشىقتىققا ۇشاتىن زىمىران سىناعان.

430 شاقىرىمعا ۇشقان زىمىراندار جاپونيانىڭ ەكونوميكالىق ايماعىنا جەتپەي، تەڭىزگە قۇلاعان. جاپونيا قورعانىس مينيسترلىگىنىڭ حابارلاۋىنشا، زىمىراندار ەلدىڭ قاۋىپسىزدىگىنە قاتەر توندىرمەگەن. مينيسترلىك باسشىسى تاكەسي يۆايا پحەنياننىڭ زىمىران سىناۋىن "وكىنىشتى جاعداي" دەپ اتادى.

سولتۇستىك كورەيا مامىر ايىندا قىسقا قاشىقتىققا ۇشاتىن بىرنەشە زىمىران سىنادى. ءساۋىر ايىنىڭ ورتاسىندا كحدر باسشىسى كيم چەن ىن "تاكتيكالىق ماقساتتا باسقارىلاتىن زىمىراننىڭ" جاڭا ءتۇرىن سىناۋعا قاتىستى. اقش ساراپشىلارى وسى سىناقتار ارقىلى پحەنيان ۆاشينگتونعا قىسىم جاساعىسى كەلەدى دەپ بولجادى. كورەيا تۇبەگىن يادرولىق قارۋدان تازارتۋ جونىندەگى كەلىسسوزدەر ءساتسىز اياقتالعان ەدى.

سولتۇستىك كورەيا اقپارات قۇرالدارىنىڭ حابارلاۋىنشا، تۇرعىندار "سۋدا جانە اۋەدە تۇرۋعا ءازىر", بىراق شەتەل قىسىمىنا قايمىقپايدى. پحەنيان ۆاشينگتونعا جىل اياعىنا دەيىن ء"بىر امالىن تابۋعا" ۋاقىت بەرەدى، ايتپەسە ول ءوز قاۋىپسىزدىگىن قامتاماسىز ەتۋدىڭ "باسقا جولىن" تاڭدايدى.

اقپان ايىنىڭ سوڭىندا حانويدا كحدر مەن اقش ەكىنشى ءسامميتىن وتكىزدى. كەزدەسۋ ءساتسىز اياقتالدى – دونالد ترامپ پەن كيم چەن ىن بىرلەسكەن دەكلاراتسيا قابىلدامادى.

Abai.kz