قىرعىزستاننىڭ ۇلتتىق اقپارات اگەنتتىگىنىڭ تىلشىلەرى ابايدىڭ «عىلىم تاپپاي ماقتانبا» ولەڭىن جاتقا وقىدى، دەپ حابارلايدى قازاقپارات.

«قازاق اقىنى اباي قۇنانبايۇلىنىڭ 175 جىلدىعىنا وراي قازاقستان پرەزيدەنتى قاسىم-جومارت توقاەۆ قولداعان ەستافەتانى «كابار» قىرعىز ۇلتتىق اقپارات اگەنتتىگى «قازاقپارات» حالىقارالىق اقپارات اگەنتتىگىنەن قابىلداپ الىپ، ەستافەتانى «ەلتر» تەلەراديوكومپانياسىنا، الىكۋل وسمونوۆ اتىنداعى ۇلتتىق كىتاپحاناعا جانە ۇلتتىق عىلىم اكادەمياسىنىڭ ش. ايتماتوۆ اتىنداگى ءتىل جانە ادەبيەت ينستيتۋتىنا جولدايدى»، دەلىنگەن قىرعىز اگەنتتىگىنىڭ حابارلاماسىندا.

ەسكە سالا كەتسەك، بۇعان دەيىن «تاتار-ينفورم» اقپارات اگەنتتىگى اباي شىعارماشىلىعىنا ارنالعان ەستافەتاعا ءۇن قوسقان بولاتىن.

Abai.kz