قازاقستان پرەزيدەنتى «بايتەرەك» ۇلتتىق باسقارۋشى حولدينگى» اق باسقارما توراعاسى ايدار ءارىپحانوۆتى قابىلدادى.

مەملەكەت باسشىسىنا حولدينگتىڭ بيىلعى ءبىرىنشى جارتىجىلدىقتاعى قىزمەتى مەن ودان ءارى دامۋ جوسپارى تۋرالى مالىمەت بەرىلدى.

اتاپ ايتقاندا، پرەزيدەنتكە «بايتەرەك» حولدينگىنىڭ «نۇرلى جول» جانە «نۇرلى جەر» مەملەكەتتىك باعدارلامالارىن قارجىلاندىرۋعا قاتىسۋى تۋرالى باياندالدى.

سونداي-اق، قاسىم-جومارت توقاەۆقا الەۋمەتتىك جاعدايى تومەن توپتاعى ازاماتتارعا ارنالعان قولجەتىمدى تۇرعىن ءۇي قۇرىلىسى، شوب-تى قولداۋ، ەلدىڭ ەكسپورتتىق الەۋەتىن جانە «قاراپايىم زاتتار» ەكونوميكاسىن دامىتۋ، قازاقستاننىڭ دامۋ بانكى جەلىسى بويىنشا ءىرى جوبالاردى جۇزەگە اسىرۋ جونىندەگى حولدينگتىڭ اتقارعان جۇمىستارى تۋرالى ماعلۇمات بەرىلدى.

مەملەكەت باسشىسى حولدينگتىڭ نەگىزگى باسىمدىقتارىنىڭ ءبىرى بولۋعا ءتيىس «باقىتتى وتباسى» تۇرعىن ءۇي باعدارلاماسىن ساپالى ىسكە اسىرۋدىڭ ماڭىزدىلىعىنا نازار اۋداردى. سونىمەن قاتار، پرەزيدەنت شاعىن جانە ورتا بيزنەستى دامىتۋ بويىنشا حولدينگتىڭ قىزمەتىن جانداندىرۋدى تاپسىردى.

Abai.kz