سىر وڭىرىندە اسىق اتۋدان ءتۇرلى دەڭگەيدەگى تۋرنيرلەر 2015 جىلدان بەرى ۇيىمداستىرىلىپ كەلەدى. ول ۇلتتىق قۇندىلىقتاردى جاڭعىرتۋ باعىتىندا قولعا الىنعان. ءداستۇرلى شارانى قىزىلوردا وبلىستىق «اسىق اتۋ» قوعامدىق بىرلەستىگى تۇراقتى تۇردە وتكىزۋدە.

«قوستاناي قالاسىندا وتكەن حالىقارالىق تۋرنيردە ءبىزدىڭ جاستار جوعارى ورىنداردان كورىندى. قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» جانە «ۇلى دالانىڭ جەتى قىرى» باعدارلامالارى قازاق حالقىنىڭ ۇلتتىق قۇندىلىقتارىن جاڭعىرتۋعا باعىتتالعان.

ءبىزدىڭ بىرلەستىك وسى ماقساتتا ۇلتتىق سپورت ءتۇرى اسىق ويىنىنىڭ قالالىق، وبلىستىق جانە رەسپۋبليكالىق تۋرنيرلەرىن وتكىزىپ كەلەدى.جاستارىمىز سول جارىستاردا شىڭدالدى. قوستانايداعى جارىستا جوعارى جەتىستىككە جەتۋىمىزدىڭ ءبىر ناتيجەسى وسىندا جاتىر»، - دەدى قىزىلوردا وبلىستىق «اسىق اتۋ» قوعامدىق بىرلەستىگىنىڭ توراعاسى جاندوس بازارتاي.

حالىقارالىق تۋرنيرگە قىزىلوردا وبلىسىنان اسىق اتۋ سپورتىنان جەرگىلىكتى باپكەر ر. ناۋكەەۆ باستاعان ءۇش سپورتشى قاتىستى. سىر سپورتشىلارى تۋرنيردە جالپى كوماندالىق ەسەپتە ۇزدىك ۇشتىكتەن كورىندى.

Abai.kz