وزبەكستاننىڭ ولي ءماجليسىنىڭ زاڭ شىعارۋ پالاتاسىنىڭ سپيكەرى نۋردينجون يسمويلوۆ ابايدىڭ 175 جىلدىعىنا ارنالعان چەللەدجگە قاتىستى. وزبەكستان پارلامەنتى پالاتاسىنىڭ سپيكەرى ەستافەتانى ارىپتەسى، ءماجىلىس توراعاسى نۇرلان نىعماتۋليننەن قابىلدادى.

اباي تەك اقىن عانا ەمەس، ۇلى ويشىل دا بولعان. ول بەيبىتشىلىك پەن ءوزارا تۇسىنىستىك جاعدايىندا عانا مەملەكەتتەر اراسىندا قوعامنىڭ ىرگەلى كۇشتەرى: عىلىم، وزىق يدەيالار، مادەنيەت دامي الادى، - دەدى ولي ءماجليستىڭ زاڭ شىعارۋ پالاتاسىنىڭ سپيكەرى.

نۇردينجون يسمويلوۆ وزبەكستاندا «قازاقستان جىلى» اتالىپ ءوتىپ جاتقاندا مۇنداي ەستافەتانىڭ وتكىزىلۋى ەكى ەل اراسىنداعى ماڭگىلىك جانە شىنايى دوستىقتىڭ، مادەني جانە رۋحاني  بىرلەستىكتىڭ بەلگىسى ەكەنىنە ەرەكشە نازار اۋداردى.

ءبىزدىڭ باۋىرلاس حالىقتارىمىزدى ورتاق تاعدىر مەن بولاشاق بايلانىستىرادى، - دەدى وزبەك سپيكەرى.

نۋردينجون يسمويلوۆتىڭ ايتۋىنشا، وزبەكستاندا جىل سايىن                        10 تامىزدا اقىننىڭ تۋعان كۇنىنە وراي ونىڭ شىعارماشىلىعىنا ارنالعان سالتاناتتى شارالار وتەدى. تاشكەنت مەملەكەتتىك پەداگوگيكالىق ۋنيۆەرسيتەتىندە «اباي جانە وزبەك ادەبيەتى» تۇراقتى كورمەسى جۇمىس ىستەپ، مەكتەپ وقۋشىلارى مەن ستۋدەنتتەر اراسىندا اباي شىعارمالارىن ۇزدىك تانۋعا ارنالعان بايقاۋلار وتكىزىلەدى.

ولي ءماجليستىڭ زاڭ شىعارۋ پالاتاسىنىڭ سپيكەرى نۇردينجون يسمويلوۆ اباي ولەڭىنىڭ ءۇزىندىسىن وزبەك تىلىندە وقىعاننان كەيىن، ەستافەتانى قازاقستاننىڭ وزبەكستان رەسپۋبليكاسىنداعى توتەنشە جانە وكىلەتتى ەلشىسى دارحان ساتىبالدىعا جولدادى.

Abai.kz