قاراعاندى وبلىسىندا جەرگىلىكتى جانە شەتەلدەن كەلگەن جۇمىسشىلار اراسىندا جانجال شىقتى.

بۇل وقيعا 12 تامىزدا جايرەم اۋىلىندا بولعان. جانجال سالدارىنان كەن-بايىتۋ كومبيناتىنىڭ بىرنەشە شەتەلدىك جۇمىسشىسى جەڭىل جاراقاتتار العان. ولارعا مەديتسينالىق كومەك كورسەتىلدى.

بۇل جاعدايدى رەتتەۋ ءۇشىن وقيعا ورنىنا قاراعاندى وبلىسىنىڭ اكىمى ەرلان قوشانوۆ باردى. ءوڭىر باسشىسى جەرگىلىكتى تۇرعىندارمەن جانە كومبينات جۇمىسشىلارىمەن كەزدەستى.

"كەزدەسۋ ناتيجەسى بويىنشا جاعداي رەتتەلدى. اۋىلداعى جاعداي بىرقالىپتى، وبلىس اكىمىنىڭ باقىلاۋىندا", - دەپ حابارلادى اكىمدىكتىڭ ءباسپاسوز قىزمەتىندەگىلەر.

جانجالدىڭ سەبەبى ازىرشە بەلگىسىز.

دەرەككوز: tengrinews.kz

Abai.kz