ءىىم مالىمدەۋىنشە، قىزمەتتىك تەرگەۋ قورىتىندىسىنا سايكەس، قىرعىز ميليتسياسىنىڭ مۇددەسىن ساتىپ، سەنىمدى اقتامادى دەگەن ايىپپەن كۋرسان اسانوۆتى قىزمەتىنەن بوساتۋ جونىندە شەشىم قابىلدانعان.

تەرگەۋ قۇجاتتارى باس پروكۋراتۋراعا جىبەرىلگەن.

كۋرسان اسانوۆتىڭ ءوزى الەۋمەتتىك جەلىدە 7-8 تامىزدا كوي-تاشتاعى وقيعادا قيىن جاعدايعا تاپ بولعانىن جازدى.

ء"ىىم جەكە قۇرامىنىڭ ارقاسىندا قيىندىقتى جەڭدىك. مەن ءوزىمنىڭ قىزمەتىمدى ادال اتقاردىم دەپ ەسەپتەيمىن. جەكە مۇددەمدى مەملەكەتتەن جوعارى قويمادىم. ەلدىڭ الدىندا ارىم دا ابىرويىم دا تازا»، - دەپ جازعان.

7 تامىزدا كۋرسان اسانوۆ كوي-تاشتا ەكس-پرەزيدەنت المازبەك اتامباەۆتىڭ جاقتاستارىمەن كەلىسسوز جۇرگىزگەن. ناتيجەسىندە اتامباەۆ قۇقىق قورعاۋشىلارمەن بىرگە ءۇيدى تاستاپ شىعۋعا كەلىستى.

7-8 تامىزدا كوي-تاش اۋىلىنداعى اتامباەۆتىڭ ۇيىندە ونى ماجبۇرلەپ ۇستاۋ وپەراتسياسى جۇرگىزىلدى. ەكس-پرەزيدەنتكە «كوررۋپتسيا» جانە «قىلمىسقا قاتىسى بار» دەگەن ايىپتار تاعىلدى. ول سوت شەشىمىنە سايكەس، 26 تامىزعا دەيىن قاماۋعا الىندى.

13 تامىزدا باس پروكۋراتۋرا كوي-تاشتاعى وقيعاعا بايلانىستى ەكس-پرەزيدەنتكە تاعى بىرنەشە ايىپ تاقتى.

Abai.kz