قاسىم-جومارت توقاەۆ ەۋروپالىق وداقتىڭ ورتالىق ازيا جونىندەگى ارنايى وكىلى پەتەر بۋرياندى قابىلدادى.

كەزدەسۋ بارىسىندا تاراپتار كەڭەيتىلگەن ارىپتەستىك پەن ىنتىماقتاستىق تۋرالى كەلىسىم جانە ورتالىق ازيا بويىنشا ەۋروپالىق وداقتىڭ جاڭا ستراتەگياسى اياسىندا، قازاقستان مەن ەۋرووداق اراسىنداعى ستراتەگيالىق ارىپتەستىكتى تەرەڭدەتۋ ماسەلەلەرىن تالقىلادى.

«قازاقستان سىرتقى ەكونوميكالىق جانە ينۆەستيتسيالىق ارىپتەسى - ەۋروپالىق وداقپەن جان-جاقتى جانە كوپ باعىتتى ءوزارا ءىس-قيمىلداردى دامىتۋعا ۇلكەن ءمان بەرەدى»، - دەپ اتاپ ءوتتى مەملەكەت باسشىسى.

قاسىم-جومارت توقاەۆ ەۋروپالىق كوميسسيانىڭ توراعاسى ۋرسۋلا فون دەر ليايەندى، ەۋروپالىق كەڭەستىڭ پرەزيدەنتى شارل ميشەلدى جانە ەۋروپالىق ورتالىق بانك توراعاسى كريستين لاگاردتى جوعارى لاۋازىمدارعا سايلانۋىمەن قۇتتىقتاپ، ەو باسشىلىعىنىڭ جاڭا «ۇشتىگىمەن» اشىق جانە سەنىمدى ديالوگ تاراپتاردىڭ ساياسي جانە ەكونوميكالىق ىنتىماقتاستىعىن ودان ءارى جانداندىرۋعا ىقپال ەتەتىنىنە سەنىم ءبىلدىردى.

پەتەر بۋرياننىڭ پىكىرىنشە، مەملەكەت باسشىسىنىڭ قازاقستاندى جاڭعىرتۋ جونىندەگى باستامالارى مەن باسىمدىقتارى ازاماتتاردىڭ الەۋمەتتىك ءال-اۋقاتى مەن زاڭ ۇستەمدىگىنىڭ جالپى قابىلدانعان پرينتسيپتەرىن باستى نازاردا ۇستاپ، ەلدىڭ دامۋ تاريحىندا جاڭا كەزەڭگە باستايدى.

ەۋروپالىق وداقتىڭ ارنايى وكىلى ەلىمىزدىڭ حالىقارالىق، سونىڭ ىشىندە ورتالىق ازيا ءوڭىرى مەن اۋعانستانداعى قاۋىپسىزدىك پەن ىنتىماقتاستىقتى نىعايتۋعا قاۋىپسىزدىك پەن ىنتىماقتاستىقتى نىعايتۋعا قوسقان ۇلەسىن جوعارى باعالادى.

Abai.kz