ءماجىلىس دەپۋتاتى مارات بوپازوۆ جامبىل وبلىسىنا ساپارى بارىسىندا تاراز قالاسىنداعى كونديتەرلىك فابريكا جۇمىسىمەن تانىستى.

وسىدان ەكى جىل بۇرىن جابدىق جانە كوممەرتسيالىق جىلجىمايتىن مۇلىكتى قايتا جاڭارتىپ، ۆافلي وندىرەتىن جەلى ساتىپ الۋعا نەسيە العان فابريكا بۇگىنگى تاڭدا جىلىنا 2160 تونناعا جۋىق ءونىم وندىرۋدە.

حالىق قالاۋسىمەن كەزدەسۋدە كاسىپكەرلەر زاۋىتتىڭ جۇمىسى مەن تىنىس-تىرشىلىگى  تۋرالى جان-جاقتى ايتىپ، فابريكانىڭ جوبا قۇنى 850 ميلليون تەڭگە بولاتىن  ەكىنشى كەزەڭىنىڭ قۇرىلىسى اياقتالۋعا جاقىن ەكەندىگىنە توقتالدى.

جوبا بيىل ىسكە قوسىلىپ، كاسىپورىننىڭ تولىق جىلدىق قۋاتى 4500 توننا بولادى دەپ جوسپارلانۋدا. وسىعان وراي، تاعى جەتپىس ادامدىق جۇمىس ورنى اشىلعان. جوبانىڭ ەكىنشى كەزەڭى وسى جىلدىڭ اياعىندا پايدالانۋعا بەرىلمەك.  سونىمەن قاتار بيىل جاڭا كورپۋس قۇرىلىسى مەن جاڭا وندىرىستىك جەلىلەردى ساتىپ الۋ كوزدەلگەن. زاماناۋي جابدىقتاردى ىسكە قوسۋ كاسىپورىن قۋاتتىلىعىن 4500 توننادان 12 000 تونناعا دەيىن ۇلعايتۋعا، سونداي-اق، ونىمدەردى ەكسپورتقا شىعارۋعا جول اشىپ، قوسىمشا 170 جاڭا جۇمىس ورنى اشىلماق.

بۇل «بيزنەستىڭ جول كارتاسى – 2020» مەملەكەتتىك باعدارلاماسى ارقىلى قوماقتى قارجىعا نەسيە الىپ، جۇمىسىن جانداندىرىپ وتىرعان كاسىپورىن ءوڭىر ەكونوميكاسىن ارتتىرۋعا ءوز ۇلەسىن تيگىزىپ وتىرعانىن كورسەتەدى.

وسىعان سايكەس، ءماجىلىس دەپۋتاتى مەملەكەت تاراپىنان كاسىپكەرلىككە كورسەتىلىپ جاتقان قولداۋدىڭ ماڭىزدىلىعىنا ءمان بەردى.

Abai.kz