پرەزيدەنتتىڭ كەڭەسشىسى ەرلان قارين مەملەكەت باسشىسىنىڭ قازاقستان حالقىنا جولداۋىنا قاتىستى پىكىر ءبىلدىرىپ، قانداي باعىتتارعا باسىمدىق بەرىلگەلى وتىرعانىن ايتىپ بەردى.

«پرەزيدەنت بۇگىنگى جولداۋى ارقىلى ساياسي باسەكەنىڭ ءوسۋىن، كوپپارتيالىقتى دامىتۋدى، ديالوگتى كۇشەيتۋدى كوزدەپ وتىر. مەنىڭ ويىمشا، مەملەكەت باسشىسى ليبەراليزاتسيا باعدارىنا دەن قويىپ وتىرعانىن تاعى ءبىر مارتە دالەلدەدى. «رەفورما ءۇشىن رەفورما جۇرگىزۋدىڭ» قاجەتى جوق ەكەنىن اشىق ءبىلدىردى. رەفورمالاردى ىسكە اسىرۋدا ويلى دا ولشەنگەن قادامدار بولۋى كەرەكتىگىن ايتتى»، - دەدى ەرلان قارين پارلامەنتتىڭ بىرلەسكەن وتىرىسىنان كەيىن تىلشىلەردىڭ ساۋالدارىنا جاۋاپ بەرە وتىرىپ.

پرەزيدەنتتىڭ كەڭەسشىسى ءوز سوزىندە تاعى دا ءبىرشاما باستامالاردى اتاپ ءوتتى.

«پرەزيدەنتتىڭ ساياسي كەڭەسشىسى رەتىندە قوعامدىق ديالوگتى دامىتۋ، ازاماتتىق ديالوگتى كۇشەيتۋ تۋرالى باستامالارىن ەرەكشە اتاپ وتەر ەدىم. البەتتە، پرەزيدەنت تاراپىنىڭ شاعىن جانە ورتا بيزنەستى دامىتۋ باستاماسىنىڭ دا ماڭىزى زور. مەملەكەت باسشىسى ميكرو جانە شاعىن بيزنەستى سالىقتان ءۇش جىلعا بوساتۋ تۋرالى ۇكىمەتكە زاڭنامالىق نەگىز ازىرلەۋدى تاپسىردى. مەنىڭ ويىمشا، بۇل كاسىپكەرلىكتى دامىتۋدا وتە كەرەمەت جىگەر بەرەدى. جالپى، جولداۋ وتە ۇيلەسىمدى بولدى»، - دەدى ەرلان قارين.

Abai.kz