ولار قازاقستان پرەزيدەنتى قاسىم-جومارت توقاەۆقا ۇندەۋ جاريالادى.
جينالعاندار پرەزيدەنت قاسىم-جومارت توقاەۆتان 11-12 قىركۇيەكتە قىتايعا جوسپارلانعان رەسمي ساپارىنان باس تارتۋدى تالاپ ەتتى. اكىمدىك الدىنا كەلگەندەر بيلىكتەن نە ءۇشىن قىتايدان قارىز العانىن ءتۇسىندىرۋدى سۇرادى.
نارازىلارعا جاڭاوزەن قالاسى اكىمىنىڭ ورىنباسارى امانعالي نۇرداۋلەتوۆ شىعىپ، حالىقتى باسۋعا تىرىستى. بىراق جينالعاندار ونىڭ ءسوزىن تىڭداماي، وبلىس اكىمىنىڭ كەلۋىن تالاپ ەتتى.
قالا اكىمدىگىنە كەلگەن جاڭاوزەندىكتەردىڭ ايتۋىنشا، 2 قىركۇيەكتە جاڭاوزەنگە ماڭعىستاۋ وبلىسى اكىمى سەرىكباي تۇرىموۆ كەلىپ ەلمەن كەزدەسەتىن بولعان. وسىدان كەيىن اكىمدىككە كەلگەندەر تاراعان. جاڭاوزەندىكتەردىڭ نارازىلىق شاراسىنا ەشكىم كەدەرگى كەلتىرگەن جوق.
نارازىلار تالابى تۋرالى ازاتتىق ءتىلشىسى ماڭعىستاۋ وبلىستىق اكىمدىگىنىڭ ءباسپاسوز قىزمەتىنە حابارلاسقان ەدى. اكىمدىكتىڭ ءباسپاسوز حاتشىسى سامات سۇلەي "تالاپ انىقتالعان سوڭ ايتامىز" دەپ جاۋاپ بەردى.
18 تامىزدا نۇر-سۇلتان تۇرعىنى اسقار قايىربەك تە "55 زاۋىت قىتايعا قايتارىلسىن!" دەگەن تالاپپەن ءبىر ادامدىق پيكەت وتكىزگەن ەدى.
بۇعان دەيىن قازاقستاننىڭ بۇرىنعى پرەزيدەنتى نۇرسۇلتان نازارباەۆ 2019 جىلى ساۋىردە قىتاي باسىلىمدارىنا بەرگەن سۇحباتىندا قىتايدىڭ قازاقستانداعى 55 ءىرى جوباسىنىڭ 15-ءى جۇمىسىن باستاعانىن، 11 نىسان بيىل پايدالانۋعا بەرىلەتىنىن ايتقان.
قىتاي - قازاقستانعا ەڭ كوپ ينۆەستيتسيا قۇياتىن - ءتورتىنشى، ەڭ كوپ قارىز بەرەتىن ءۇشىنشى ەل. قىتاي قازاقستاندى شيكىزات كوزى، ساۋدا نارىعى جانە ترانزيت ايماعى رەتىندە پايدالانادى. بىلتىر قىتاي قازاقستانعا ەكى ميلليارد 62 ميلليون يۋان كولەمىندە كرەديت بەرگەن. نۇر-سۇلتاننىڭ قىتايعا قارىزى 12 ميلليارد دوللاردان اسادى.
Abai.kz
