2009 جىلى «جاڭارتىلاتىن ەنەرگيا كوزدەرىن پايدالانۋدى قولداۋ تۋرالى» قر زاڭى قابىلداندى. 2013 جىلى ەلباسى نۇرسۇلتان نازارباەۆ قر «جاسىل ەكونوميكاعا» كوشۋ تۇجىرىمداماسىن ماقۇلدادى، سوعان سايكەس جاڭارتىلاتىن ەنەرگيا كوزدەرىن دامىتۋدىڭ ناقتى ماقساتتى ينديكاتورلارى قابىلداندى: 2020 جىلعا قاراي ەلەكتر ەنەرگياسىن ءوندىرۋدىڭ جالپى كولەمىندەگى جاڭارتىلاتىن ەنەرگيا كوزدەرىنىڭ ۇلەسىن 3%-عا جانە 2050 جىلعا قاراي - 50%-عا جەتكىزۋ قاجەت.

قر پرەزيدەنتى قاسىم-جومارت توقاەۆ «بارلىعىنىڭ يگىلىگى!» ءوزىنىڭ سايلاۋ باعدارلاماسىندا 2019 جىلدىڭ ساۋىرىندە 2030 جىلعا قاراي كازاقستاندا جاڭارتىلاتىن ەنەرگيا كوزدەرى ارقىلى وندىرىلەتىن ەلەكترەنەرگيانىڭ ۇلەسىن 30%-عا دەيىن ۇلعايتۋ ماسەلەلەرىن قويدى.

«ENEVERSE KUNKUAT» (بۇدان ءارى - ەكك) جشس سينگاپۋرلىق ENEVERSE KUNKUAT PTE.LTD كومپانياسىنىڭ ەنشىلەس كومپانياسى، الماتى وبلىسىندا قاپشاعاي قالاسىنىڭ ماڭىندا 100 مۆت كۇن ەلەكتر ستانتسياسىن (بۇدان ءارى - جوبا) پايدالانۋعا بەرىلدى. جوبا 270 گا جەر تەلىمىندە كۇن پاركىن، 220 كۆ قوسالقى ستانتسياسىن جانە 220 كۆ جوعارى ۆولتتى جەلىنىڭ قۇرىلىسىن قامتيدى.

3 قىركۇيەگىندە اشىلۋ سالتاناتىنا قر پرەمەر-ءمينيسترىنىڭ ورىنباسارى ج.م.قاسىمبەك جانە الماتى وبلىسىنىڭ اكىمى ا.گ.باتالوۆ قاتىستى.

2017 جىلعى قازاندا قر ەنەرگەتيكا مينيسترلىگى EKK-نى جاڭارتىلاتىن ەنەرگيا كوزدەرى ءۇشىن ەنەرگيا وندىرەتىن كومپانيالاردىڭ تىزىمىنە قوستى. «ەلەكتر جەلىلەرىن باسقارۋ كومپانياسى» اق (KEGOC)  جۇيەلىك وپەراتورى ەلەكتر توراپتارىنا قوسىلۋدىڭ تەحنيكالىق شارتتارىن تەز ارادا شىعاردى جانە ادىستەمەلىك قولداۋ كورسەتتى.

2018 جىلدىڭ قىركۇيەگىندە كۇن ەلەكتر ستانتسياسىنىڭ قۇرىلىسى باستالدى. قۇرىلىس كەزەڭىندە 500-دەن استام قازاقستاندىق جۇمىسشى جانە 11 قازاقستاندىق قۇرىلىس كومپانياسى ىسكە قاتىستىرىلدى.

ستانتسيا جوبالىق جالپى قۇنى 27,7 ملرد. تەڭگەنى قۇرادى. ەكك-ءتىڭ مەنشىكتى قاراجاتى 10,4 ملرد. تەڭگەنى قۇرايدى. جوبانى قارجىلاندىرۋعا «قازاقستاننىڭ دامۋ بانكى» اق-تىڭ نەسيە قاراجاتى (10,8 ملرد. تەڭگە) جانە «قدب-ليزينگ» اق-نىڭ قارجىلىق ليزينگى (6,5 ملرد. تەڭگە) تارتىلدى.

الماتى وبلىسىنىڭ اكىمدىگى كەس سالۋ ءۇشىن جەر ءبولدى جانە «بيزنەستىڭ جول كارتاسى-2020» باعدارلاماسى بويىنشا 220 كۆ (233 ملن. تەڭگە) جوعارى ۆولتتى جەلىلەردىڭ قۇرىلىسىن قارجىلاندىردى.

جوبا بويىنشا ەلەكتر ستانتسياسى جىل سايىن 160 ملن كۆت/ساع ەلەكتر ەنەرگياسىن وندىرەدى، ونى ساتىپ الۋ ءۇشىن KEGOC-تىڭ ەنشىلەس ۇيىمى - جاڭارتىلاتىن ەنەرگيا كوزدەرىن قولداۋ جونىندەگى ايىرىسۋ-قارجى ورتالىعىمەن كەلىسىمشارت جاسالعان. كەس سو₂ اتموسفەراعا شىعارىندىلارىن جىلىنا 150 مىڭ تونناعا ازايتادى.

الماتى وبلىسىنىڭ اكىمدىگىمەن كەلىسە وتىرىپ، ەكك قاپشاعاي قالاسىنداعى الەۋمەتتىك نىساندى جوندەۋگە جانە قۇرىلىسقا كومەك كورسەتەدى.

انىقتاما ءۇشىن: EKK كومپانياسىنىڭ نەگىزگى قۇرىلتايشىسى Universal Energy Co.، Ltd (UE) بولىپ تابىلادى. UE قىزمەتى كۇن جانە جەل ەنەرگەتيكاسىنا باعىتتالعان، وفيستەرى شانحايدا، گونكونگتە، سينگاپۋردا، الماتىدا ورنالاسقان.

UE (QAZAQSTAN) قازاقستانداعى ىسكە اسىرىلاتىن جاڭارتىلاتىن ەنەرگيا كوزدەر جوبالارىنىڭ جالپى قۋاتتىلىعى 380 مۆت قۇرايدى. بۇگىن اشىلعان كەس-نان باسقا، بۇل:

شىعىس قازاقستان وبلىسىنداعى «شاكارىم-30مۆت» كەس;

الماتى وبلىسىنداعى «كەنەن – 50 مۆت» كەس;

قوستاناي وبلىسىنداعى «ىبىراي -50 مۆت» جەس;

شىعىس قازاقستان وبلىسىنداعى «اقتوعاي 1 فازاسى - 100 مۆت» جەس;

شىعىس قازاقستان وبلىسىنداعى «اقتوعاي 2 فازالى-50 مۆت» جەس.

Abai.kz