بانك قىزمەتكەرلەرى قالاي بايىپ جاتىر، بىلەسىز بە؟ بىلمەسەڭىز كورىڭىز، مىنە! قازاقستانداعى ەكىنشى دەڭگەيلى بانكتەردىڭ تىزگىنىن ۇستاپ وتىرعان ءبىرلى-جارىم ازاماتقا بەرىلگەن سىياقىلاردىڭ ساندارى جاريا بولدى. باس اينالدىرىپ، ءتىل كۇرمەيتىن بۇل سومالار بانككە باسشىلىق جاساپ جۇرگەن بايشىكەشتەردىڭ جىلدىق سىياقىلارى كوپىنەدى. 2018 جىلدىڭ قورىتىندى ەسەبى وسىلاي ءتۇزىلىپتى. وزدەرىڭىز قاراپ كورىڭىزدەر:

1. نۇربانك

117 572 886,31 تەڭگە.

بۇل بانكتىڭ 6 باسقارما مۇشەسىنىڭ جىلدىق سىياقىسى.

2. تەنگري بانك

163 551 954,91 تەڭگە سىياقى.

بۇل اتالعان بانكتىڭ 3 باسقارما مۇشەسىنە بەرىلگەن جىلدىق سىياقى سوماسى.

3.ۆتب بانك

179 058 581,81 تەڭگە.

بۇل بانكتىڭ 5 باسقارما مۇشەسىنىڭ جىلدىق سىياقىسى.

4.تسەنتركرەديت بانك

189 614 666,00 تەڭگە.

بۇل بانكتىڭ 5 باسقارما مۇشەسىنىڭ جىلدىق سىياقىسى.

5.Capital Bank 

307 212 608,00 تەڭگە.

بۇل بانكتىڭ 6 باسقارما مۇشەسىنىڭ 2018 جىلعى جىلدىق سىياقىسى.

6.RBK Bank

310 311 452,15 تەڭگە.

بۇل بانكتىڭ 4 باسقارما مۇشەسىنىڭ جىلدىق سىياقىسى.

7.Jysan Bank

361 046 405,81 تەڭگە.

بۇل بانكتىڭ 13 باسقارما مۇشەسىنە بەرىلگەن جىلدىق سىياقى.

8.اتف بانك

491 344 751,91 تەڭگە.

بۇل بانكتىڭ 6 باسقارما مۇشەسىنىڭ جىلدىق سىياقىسى.

9.الفا بانك

646 186 000,00 تەڭگە.

بۇل بانكتىڭ 5 باسقارما مۇشەسىنە بەرىلگەن جىلدىق سىياقى.

10.ەۋرازيالىق بانك

866 641 590,87 تەڭگە.

بۇل بانكتىڭ 10 باسقارما مۇشەسىنىڭ جىلدىق سىياقىسى.

11.سبەربانك قازاقستان

1 695 275 289,70 تەڭگە.

بۇل بانكتىڭ 5 باسقارما مۇشەسىنە بەرىلگەن جىلدىق سىياقى.

12.Fortebank

1 733 619 921,00 تەڭگە.

بۇل بانكتىڭ 5 باسقارما مۇشەسىنىڭ جىلدىق سىياقىسى.

13.حالىق بانك

2 525 350 896,00 تەڭگە.

بۇل حالىق بانكتىڭ 14 باسقارما مۇشەسىنە 2018 جىلى بەرىلگەن سىياقى سوماسى.

14.كاسپي بانك

4 826 415 945,24 تەڭگە.

بۇل بانكتىڭ 4 باسقارما مۇشەسىنىڭ جىلدىق سىياقىسى.

ءتۇيىن. قاراپايىم جۇرتتىڭ، حالىقتىڭ ماتەريالدىق جاعدايى ميللياردتاپ سىياقى الاتىن الگى اناۋ بانكتەگى باسشىلاردىكىندەي بىركەلكى كەرەمەت ەمەس. بانك باسشىلارى وسىنى ەسكەرگەنى ابزال!

قازىر ۇكىمەت كوپ بالالى انالارعا بەرىلەتىن 21 مىڭ تەڭگە جاردەماقىنىڭ جولىن تاپپاي باس قاتىرىپ جاتقانى جانە بار. مەملەكەتتىڭ قالتاسى جۇقاراتىن بولدى دەپ ايقايلايتىن جوعارعى بيلىك، ارى ويلانىپ، بەرى ويلانىپ، اقىرى ايلا تاپقان بولىپتى. ۇكىمەتتىڭ بۇل ىسىنە نارازى جۇرت ءوز پىكىرىن اشىق الاڭداردا ايتۋدا.  قازىر ەل ءىشى الاعاي دا بۇلاعاي كۇيدە. ەل تولقۋىنىڭ جالعىز سەبەبى – الەۋمەتتىك تەڭسىزدىك ءھام ادىلەتسىزدىك. كوپ بالالى انالار ۇكىمەتتەن 21 مىڭ تەڭگە الا الماي ساندالىپ جۇرگەندە، ءبىر بانكتىڭ 4 باسشىسى 4 ميلليارد تەڭگەنى ءوزارا سىياقى قىلىپ ءبولىسىپ جاتسا، ادىلەتسىزدىك ەمەي نەمەنە؟! ەل ءىشى تەگى وسىنداي تەڭسىزدىكتەن بۇلىنەدى! داۋ وسىندايدان باستالادى، دوساەۆ مىرزا!

ءبىز بۇرىنعى مينيستر ەربولات دوساەۆقا قاراتا ءسوز ايتتىق. ويتكەنى، ۇلتتىق بانكتىڭ قازىرگى تىزگىنشىسى ءدال وسى دوساەۆ. جوعارىداعى سۇمدىق ساندار، اۋەلى ادىلەتسىز ساندار الەۋمەتتىك ارازدىقتى تۋدىرماسىنا ءسىز كەپىل بولا الاسىز با؟ الدە، ءسىزدىڭ باقىلاۋىڭىزداعى ەكىنشى دەڭگەيلى بانكتەردىڭ باسشىلارى ما؟ جاۋاپ بەرۋىڭىز كەرەك!

نۇرزات توعجان

Abai.kz