ەرلان قوشانوۆ پرەزيدەنت اكىمشىلىگىنىڭ باسشىسى بولىپ تاعايىندالدى.

"ەرلان جاقانۇلى قوشانوۆ قاراعاندى وبلىسى اكىمى قىزمەتىنەن بوساتىلىپ، قازاقستان رەسپۋبليكاسى پرەزيدەنتى اكىمشىلىگىنىڭ باسشىسى بولىپ تاعايىندالسىن", - دەلىنگەن حابارلامادا.

قىرىمبەك كوشەرباەۆ اكىمشىلىك باسشىسى قىزمەتىندە 82 كۇن بولدى. ايتا كەتەيىك، پرەزيدەنت اكىمشىلىگىنىڭ جاڭا باسشىسى ەرلان قوشانوۆ 57 جاستا.

ول 1962 جىلى 14 ساۋىردە جەزقازعان وبلىسى اقسۋ-ايۋلى اۋىلىندا دۇنيەگە كەلگەن. 2007-2012 جىلدار ارالىعىندا پرەمەر-مينيستر كەڭسەسى باسشىسىنىڭ ورىنباسارى - ماجىلىستەگى، پارلامەنتتەگى ۇكىمەتتىڭ وكىل قىزمەتىن اتقارعان.

2012 جىلدان باستاپ قازاقستان رەسپۋبليكاسى پرەمەر-ءمينيسترى كەڭسەسىنىڭ باسشىسى بولعان.

2017 جىلدىڭ 14 ناۋرىزىنان باستاپ قاراعاندى وبلىسىنىڭ اكىمى بولعان.

Abai.kz