قازاقستاندا كوكونىس، ەت، بالىق، جۇمىرتقا جانە باسقا دا ازىق-تۇلىك قىمباتتادى، - دەپ حابارلايدى Energyprom.kz.

ساراپشىلاردىڭ ايتۋىنشا، بيىل جاڭا پىسكەن كوكونىس ماۋسىمى سالىستىرمالى تۇردە ەرتە اياقتالعان. قىركۇيەكتە ورامجاپىراق پەن قيار باعاسى تامىزبەن سالىستىرعاندا 15 پايىزعا قىمباتتاعان. سارىمساق 7,3 پايىزعا، ۇرمەبۇرشاق - 1,7 پايىزعا وسكەن.

سونداي-اق، كەيبىر كوكونىس باعاسى ءسال ارزانداعان - پياز ء(بىر ايدا 25,2 پايىزعا), ءسابىز (22,8 پايىزعا) قىزىلشا (9 پايىزعا), كارتوپ (8,2 پايىز). ال قىزاناق باعاسى 1,4 پايىزعا تومەندەدى. سوعان قاراعاندا، ەندى ولاردىڭ دا باعاسى وسەتىن بولادى.

جەمىستەر اراسىندا اپەلسين - 4,3 پايىزعا قىمباتتاعان. ال بانان باعاسى، كەرىسىنشە، ءبىر ايدا 2,8 پايىزعا تومەندەدى.

جۇمىرتقا - 6,1 پايىزعا قىمباتتادى. مۇزعا قاتىرىلعان بالىق 2,3 پايىزعا، سيىر ەتى - 2,1 پايىزعا، جىلقى ەتى - 2 پايىزعا قىمباتتادى.

تارى باعاسى 3,1 پايىزعا، ال كۇرىش 2,2 پايىزعا ءوستى.

سۋسىندار مەن باكالەيالىق تاۋارلار باعاسى وزگەرىسسىز قالدى. قانت، مىسالى 4,6 پايىزعا ارزانداعان.

Abai.kz