30 قىركۇيەكتە پاريج ءبىرىنشى وكرۋگىنىڭ مەرياسىندا «رۋحاني جاڭعىرۋ» باعدارلاماسى اياسىندا اۋدارىلعان جانە جاريالانعان قازىرگى قازاق پروزاسى مەن پوەزياسى انتولوگياسىنىڭ تۇساۋكەسەرى ءوتتى.

فرانتسۋز تىلىندەگى قازاق ادەبيەتى جيناقتارىن اۋدارۋ جانە باسىپ شىعارۋ جوباسى ءپاريجدىڭ ءبىرىنشى وكرۋگىنىڭ مەرياسى مەن ەلوردالىق مادەني قاۋىمداستىقتىڭ قولداۋىمەن جۇزەگە اسىرىلدى.

ولاردىڭ ۇسىنىستارىنا سايكەس، انتولوگيانى ايگىلى ادەبيەت باسپاسى ميشەل دە ميۋل (Michel de Maule) باسىپ شىعاردى. ونىڭ ونەر مەن ادەبيەتتى ناسيحاتتاۋ ءۇشىن اۋدارما جانە باسپا سالاسىندا 30 جىلدان استام تاجىريبەسى بار.

باسپانىڭ باس رەداكتورى، ايگىلى فرانتسۋز لينگۆيستى جانە اقىنى تەرري-دە-لا-كرۋا (Thierry de La Croix) ارىپتەستەرىنىڭ باستى مىندەتى اۋدارمانىڭ جوعارى كوركەمدىك دەڭگەيىن قامتاماسىز ەتۋ ەكەنىن اتاپ ءوتتى.

«بۇعان بىزگە قازاقستانعا ساپار جانە اۆتورلارمەن تىكەلەي بايلانىس كومەكتەستى. ءبىزدىڭ وتە تانىمال شىعارماشىلىق ۇجىمىمىز ۇلكەن جۇمىس ىستەدى جانە ءبىز ونىڭ ناتيجەسىمەن ماقتانامىز»، - دەدى باسپاگەر.

Abai.kz