04.08.11.
شىعىس قازاقستان وبلىسىندا «تاۋەلسىزدىكتىڭ 20 جىلدىعىنا - 20 يگى ءىس»، «تۋعان ەل - التىن بەسىگىم»، «تۋعان جەرگە تاعزىم» سەكىلدى ايتۋلى اكتسيالار، اپتا سايىن وبلىس ورتالىعىندا وتكىزىلەتىن اۋىل شارۋاشىلىق جارمەڭكەلەرى، قىمىز بەن بال فەستيۆالدەرى جانە باسقا مادەني، رۋحاني، سپورتىق ءىس-شارالارى قانات جايىپ، ايماق جۇرتشىلىعىنىڭ اراسىندا كەڭىنەن قولداۋ تاۋىپ وتىر. تامىز ايىندا وسكەمەن قالاسىندا «التاي - تۇركى الەمىنىڭ التىن بەسىگى» اتتى حالىقارالىق فورۋم وتكىزىلەتىنى دە شىعىس قازاقستاننىڭ شىرايىن كىرگىزە تۇسەتىنى انىق. وبلىستا، اسىرەسە، ەل تاۋەلسىزدىگىنىڭ 20 جىلدىعىنا وراي وتكىزىلەتىن جالپىۇلتتىق مەرەكەگە دايىندىقتىڭ اۋقىمى وتە كەڭ.

04.08.11.
شىعىس قازاقستان وبلىسىندا «تاۋەلسىزدىكتىڭ 20 جىلدىعىنا - 20 يگى ءىس»، «تۋعان ەل - التىن بەسىگىم»، «تۋعان جەرگە تاعزىم» سەكىلدى ايتۋلى اكتسيالار، اپتا سايىن وبلىس ورتالىعىندا وتكىزىلەتىن اۋىل شارۋاشىلىق جارمەڭكەلەرى، قىمىز بەن بال فەستيۆالدەرى جانە باسقا مادەني، رۋحاني، سپورتىق ءىس-شارالارى قانات جايىپ، ايماق جۇرتشىلىعىنىڭ اراسىندا كەڭىنەن قولداۋ تاۋىپ وتىر. تامىز ايىندا وسكەمەن قالاسىندا «التاي - تۇركى الەمىنىڭ التىن بەسىگى» اتتى حالىقارالىق فورۋم وتكىزىلەتىنى دە شىعىس قازاقستاننىڭ شىرايىن كىرگىزە تۇسەتىنى انىق. وبلىستا، اسىرەسە، ەل تاۋەلسىزدىگىنىڭ 20 جىلدىعىنا وراي وتكىزىلەتىن جالپىۇلتتىق مەرەكەگە دايىندىقتىڭ اۋقىمى وتە كەڭ.

وسىنداي يگىلىكتى ىستەردەن قا­تونقاراعاي اۋدانىنىڭ ەڭبەك ۇجىم­دارى شەت قالماعان.قازاق­ستان رەسپۋبليكاسى تاۋەلسىزدىگىنىڭ 20 جىلدىعىنا دايىندىق جانە ونى وتكىزۋ جونىندەگى جالپىۇلتتىق مەرەكەنىڭ ماڭىزدىلىعى ەسكەرىلە وتىرىپ، اۋداندا اۋقىمدى باع­دار­لاما قابىلدانعان. بۇل باعدارلاما اۋدان اكىمىنىڭ ەسەپ بەرۋ كەزدە­سۋ­لەرىندە ەڭبەك ۇجىمدارى، اۋىلدىق وكرۋگتەردىڭ اكىمدەرى مەن مەكەمە باسشىلارى، قاتارداعى تۇرعىندار ايتقان ۇسىنىستار مەن باستامالار ەسكەرىلىپ جاسالعان.
قاتونقاراعاي اۋدانىنىڭ اكىمى ارمان ءىلياسۇلى بەكبوسىنوۆ اتاپ ايتقانداي، باعدارلامانىڭ جۇزەگە اسىرىلۋىنا ءوز وتانىنا، تۋعان ولكەسىنىڭ تاعدىرىنا نەم­قۇرايدى قارامايتىن، بەلسەندى ازاماتتىق ۇستانىمدارى بار ازا­ماتتار، اۋىلشارۋاشىلىق قۇرى­لىم­دارى، مەكتەپ ۇستازدارى، كاسىپ­كەرلەر، قوعامدىق ۇيىمدار، ونىڭ ىشىندە «نۇر وتان» حالىقتىق دەموكراتيالىق پارتياسىنىڭ اۋداندىق فيليالى، اتقارۋشى جانە وكىلەتتى ورگانداردىڭ وكىل­دەرى بەلسەنە قاتىسۋدا.
«تاۋەلسىزدىكتىڭ 20 جىلدىعىنا - 20 يگى ءىس» باعدارلاماسى اۋدان كولەمىندە دە تاۋەلسىزدىك مەرەي­تويىن ءتيىستى دەڭگەيدە قارسى الۋ ماقساتىندا ەڭ ءىرى الەۋمەتتىك ماڭىزى بار جوبالاردى بىرىكتىرىپ وتىر. وسى مەرەيلى مەرەكەگە وراي اۋداندا بىرقاتار يگىلىكتى ىستەر اتقارىلىپ جاتىر. ماسەلەن، قاڭتار ايىندا ورەل اۋىلىندا سالىنعان 320 ورىندىق مەكتەپ عيماراتى، قاتونقاراعاي اۋىلىندا 75 ورىندىق جاڭا اۋرۋحانا پاي­دالانۋعا بەرىلگەن.
ءبىر اتاپ وتەتىن نارسە، اۋداندا جۇرگىزىلگەن تۇسىنىك جۇمىستارىنىڭ ناتيجەسىندە كاسىپكەرلەردىڭ تۋعان ەل مەن جەرگە وزدەرىنىڭ مەرەكەلىك تارتۋلارىن جاساۋى كوبەيدى. ماسەلەن، وسى اۋداننىڭ تۇلەكتەرى اعايىندى سادۋەۆتەر 25 ميلليون تەڭگە قاراجات ءبولىپ، نوۆو­حاي­رۋزوۆكا اۋىلىنداعى مادەنيەت ءۇيىنىڭ عيماراتىنا كۇردەلى جوندەۋ جۇمىستارىن جۇرگىزىپ قانا قوي­ماي، ارنايى فيتنەس زالىن سالىپ، كلۋبقا مۋزىكالىق اسپاپتار الىپ بەردى. تاعى ءبىر اتاپ وتەتىن نارسە، مۇرات سادۋەۆ باسقاراتىن «سا­مايترانس» جقق فيليالى كلۋب مەڭگەرۋشىسىنەن باسقا دا قىز­مەت­كەرلەرىن ءوز قورىنان قار­جى­لان­دى­رىپ وتىر. وسىنىڭ ارقاسىندا اۋىلدىق كلۋبتا ۇيىرمەلەر جۇمىس ىستەپ، بالالارعا ارنالعان كينو كورسەتىلىمدەرى، بي كەشتەرى وتكىزىلە باستاعان.
قاتونقاراعاي اۋدانىنان شىققان تانىمال ازاماتتار «تۋعان جەرگە تاعزىم» اكتسياسى اياسىندا ءوز اتامەكەندەرىنە دەگەن پەرزەنتتىك سۇيىسپەنشىلىكتەرىن كورسەتە وتى­رىپ، اۋداننىڭ دامۋىنا قوماقتى ۇلەس قوسىپ جاتقانىن اتاپ ايتقان ءلازىم. وسى اۋداننىڭ ۇشبۇلاق اۋى­لىنان شىققان قايرات احمەتوۆ دەگەن ازامات 30 ميلليون تەڭگەگە اۋىلداستارىنا جاڭا كلۋب عيماراتىن سالىپ بەرگەن. قازىر كۇرشىم اۋىلىندا تۇراتىن ەرجان سقاقوۆ دەگەن جىگىت ءوز جەرلەستەرىنە دەمەۋشىلىك جاساپ، قاتونقاراعاي اۋدانىنىڭ ەڭبەك اۋىلىندا 40 ميلليون تەڭگەگە سپورتزال سالىپ، اۋىل بالالارى مەن جاستاردىڭ العىسىنا بولەندى. وبلىس ور­تالىعى وسكەمەن قالاسىندا ءار­تۇرلى سالالاردا جۇمىس اتقاراتىن اۋدان تۇلەكتەرى مۇرات بۇلعىنوۆ، توقتاربەك ماعزۇموۆ سەكىلدى ازا­ماتتار وزدەرى تۋىپ-وسكەن مايە­مەر، قىزىل جۇلدىز اۋىلدارىندا مەشىت سالدىرتىپ جاتىر.
ورەل اۋىلىنىڭ كاسىپكەرلەرى، بۇرىنعى مەكتەپ تۇلەكتەرى دە ءوز­دەرى وقىعان ورتا مەكتەپكە ارناپ 590 مىڭ تەڭگەگە قاتونقاراعايدىڭ جانۋارلار مەن وسىمدىكتەر ءدۇ­نيەسى، تۇمسا تابيعاتى بەينەلەنگەن ءارتۇرلى كارتينالار، مۋزىكالىق اپپاراتۋرا، سپورتتىق كۇرەس ما­تالارىن، ۆولەيبول مەن فۋتبول دوپتارىن، ۆولەيبول سەتكالارىن، ۇلتتىق كوستيۋمدەر، پەردەلەر، مۋزىكالىق اسپاپتار، توسەنىشتەر مەن كىلەمدەر ساتىپ الىپ، سىيعا تارتقان.
كەزىندە قاتونقاراعاي اۋدا­نىن­دا دا وڭتايلاندىرۋ جۇرگىزىلىپ، مەكەمەلەردىڭ بارلىعى دەرلىك جا­بىلعان كەزدە بىرقاتار عيمارات­تار­دىڭ سۋ ارزانعا جەكەمەنشىكتىڭ قولىنا ءوتىپ كەتكەنى جاسىرىن ەمەس. سولونوۆكا، اققاينار اۋىل­دارىندا بالاباقشا ۇيلەرىن اشۋعا قارجى تابىلماي قينالعان كەزدە «جىگەر» كووپەراتيۆىنىڭ توراعاسى تەمىرحان دۇيسەباەۆ پەن «چەرنوۆا» وك توراعاسى يۋ. پەتۋحوۆتار جە­كەمەنشىكتەرىندەگى بۇرىنعى بالاباقشا عيماراتتارىن مەملەكەت مەنشىگىنە قايتارعان. بۇل دا ازا­ماتتاردىڭ تۋعان جەرلەرى مەن اۋىل­داستارىنىڭ الدىنداعى ازاماتتىق پارىزىن سەزىنگەندىگىنىڭ بەلگىسى.
ۇلكەن نارىن اۋىلىندا اد­ۆو­كاتتىق مەكەمەنى ءوز قاراجاتىنا سالىپ، اۋىلداستارىنا قۇقىق قورعاۋ قىزمەتىن كورسەتىپ جۇرگەن جەكە كاسىپكەر روزا قولدى­باەۆا­نىڭ يگى ءىسى دە اتاپ وتۋگە تۇرار­لىق.
بيىلعى مامىر ايىندا اۋدان كولەمىندە «ءجۇزىمىزدى بالالارعا بۇرايىق» اتتى قايىرىمدىلىق اكتسياسى وتكىزىلگەن. وسى اكتسيانىڭ اياسىندا اۋداننىڭ جەكە كاسىپ­كەر­لەرى، شارۋا قوجالىقتارى، مەكە­مە­لەر مەن ۇجىمدار اۋىلدىق وك­رۋگ­تەردە تۇراتىن 81 مۇگەدەك با­لاعا، 66 جەتىم بالاعا ءارتۇرلى كيىم-كەشەكتەر اپەرىپ، قارجىلاي كومەك كورسەتۋى دە ەلىمىزدە باستالعان يگى ىستەردىڭ ءبىرى بولىپ تابىلاتىنى ءسوزسىز. كاسىپكەرلەر مەن شارۋا قوجالىقتارى ءۇشىن بۇل بالەندەي قيىن شارۋا ەمەس ەكەنى ايان. ال تاعدىردان تۋماي جاتىپ تاياق جەگەن جەتكىنشەكتەر ءۇشىن بۇل قايىرىمدىلىق كومەكتىڭ ماڭىزى زور بولعانى ءسوزسىز. مۇگەدەك جانە جەتىم بالالارعا قاتىستى وسىنداي قايىرىمدىلىق اكتسيالارى وبلىستىڭ، رەسپۋبليكانىڭ تۇكپىر-تۇكپىرىندە جىل سايىن وتكىزىلىپ تۇرسا، نۇر ۇستىنە نۇر بولار ەدى.
قاتونقاراعاي اۋدانىندا «تۋعان جەرگە تاعزىم» اكتسياسىنىڭ كەڭ قانات جايعانىن اۋداننىڭ شالعاي ەلدى مەكەندەرىندە دە وسى ءىستىڭ جاڭعىرىعى ەستىلىپ جاتقا­نى­نان بايقاۋعا بولادى. ماسەلەن، «ەكى دوس» جاۋاپكەرشىلىگى شەكتەۋلى سەرىكتەستىگىنىڭ توراعاسى ت.جامان­تي­كوۆ دەمەۋشىلىك جاساپ، 2,8 ميل­ليون تەڭگەگە اقسۋ اۋىلىنداعى پوشتا مەن كلۋبتىڭ شاتىرىنا، قورشاۋىنا جوندەۋ جۇرگىزىپ، اقسۋ اۋىلىندا 12 ميلليون تەڭگەگە «ارداگەرلەر كلۋبىنىڭ» عيمارا­تىن سالعان. وسى ازاماتتىڭ مەرەكە سايىن الگى كلۋبقا اۋىل اردا­گەر­لەرىن جيناپ، سىيلىقتارىن تارا­تىپ جاتقانى ءوز الدىنا. قازىرگى كەزدە «ەكى دوس» جاۋاپكەرشىلىگى شەكتەۋلى سەرىكتەستىگى اقسۋ اۋى­لىندا 12 ميلليون تەڭگەگە فۋتبول الاڭىن، بالالاردىڭ ويىن الاڭىن، جاستارعا ارنالعان بي الاڭىن سالىپ جاتىر، بۇل قۇرىلىستار دا اياقتالۋعا تاياۋ. دەمەك، مۇنداي قامقورلىقتى كورىپ وسكەن اقسۋلىق بالالار مەن جاستار دا كەلەشەكتە ءوز اۋىلدارى ءۇشىن قولدان كەلگەن جاقسىلىقتارىن جاسايتىن­دىق­تارى داۋسىز.
بيىلعى ماۋسىم ايىنىڭ باسىندا قاتونقاراعاي اۋىلىندا «قىمىز بەن بال» مەرەكەسى ۇيىم­داستىرىلىپ، اۋداننىڭ شارۋا قوجالىقتارىنىڭ باسشىلارى بال مەن قىمىزدان وتكىزىلگەن اۋداندىق بايقاۋعا ءوز ونىمدەرىن ۇسىندى. ولار ءوز ونىمدەرىنىڭ ساپاسىن انىق­تاپ، تۇتىنۋشىلارعا ساۋدا­لاۋمەن عانا شەكتەلگەن جوق. سونىمەن قاتار قايىرىمدىلىق كورسەتىپ، از قامتاماسىز ەتىلگەن تۋبەركۋلەز اۋرۋىمەن اۋىراتىن جەرلەستەرىنە 1 توننا قىمىز، 0,5 توننا بال تا­راتتى. بىزدىڭشە، بۇل دا رەسپۋبليكا مەن وبلىستىڭ باسقا كاسىپكەرلەرى ۇلگى الاتىنداي نارسە.
ەلباسىمىز قولداعان، اۋىل شارۋاشىلىعىن، اۋىلدى وركەن­دەتۋگە باعىتتالعان جاڭا جوبالار ءالى دە ويداعىداي جۇزەگە اسۋدا. اۋداندا مۇنداي يگى ىستەردىڭ الداعى ۋاقىتتا دا جالعاسىن تابارىنا سەنىمدىمىز. اۋدان باسشىسىنىڭ ايتۋىنشا، كەلەشەكتە دەمەۋشى­لەر­دىڭ كومەگىمەن «شاڭعى بازا­سىن» ۇيىمداستىرۋ، «التاي» سپورت كەشەنىن جوندەۋدەن وتكىزۋ، اۋدان مەكتەپتەرىنە جانە بالاباقشالارعا سپورتتىق قۇرال-جابدىقتار، شاڭ­عىلار، كونكيلەر مەن گيم­ناس­تيكالىق سناريادتار ساتىپ الۋ جوسپارلانىپ وتىر.

ميرا بەرىكبولوۆا

شىعىس قازاقستان وبلىسى

http://www.aikyn.kz/index.php?option=com_content&task=view&id=9246&Itemid=2