مەملەكەت باسشىسى قاسىم-جومارت توقاەۆ پرەمەر-مينيستر اسقار مامين مەن پارلامەنت سەناتىنىڭ توراعاسى داريعا نازارباەۆانى قابىلدادى.

پرەمەر-مينيستر اسقار مامين پرەزيدەنت قاسىم-جومارت توقاەۆقا الەۋمەتتىك-ەكونوميكالىق دامۋدىڭ وزەكتى ماسەلەلەرى، شەتەلدىك ينۆەستيتسيالاردى تارتۋ بارىسى، مەملەكەتتىك-جەكەمەنشىك ارىپتەستىك جوبالارىن ىسكە اسىرۋ، وڭىرلەردى دامىتۋ جونىندە قابىلدانىپ جاتقان شارالار تۋرالى باياندادى.

سونداي-اق، اسقار مامين پرەزيدەنتكە 2019 جىلعا ارنالعان رەسپۋبليكالىق بيۋدجەتتى ناقتىلاۋ جوباسى جايىندا اقپارات بەردى. مەملەكەت باسشىسى پرەمەر-مينيسترگە قازان ايىنىڭ ورتاسىندا وتەتىن ەكونوميكالىق دامۋ ماسەلەلەرىنە ارنالعان ۇكىمەتتىڭ كەڭەيتىلگەن وتىرىسىنا دايىندىق جۇمىستارىن باستاۋدى تاپسىردى.

سەنات توراعاسى پرەزيدەنتكە پارلامەنتتىڭ جوعارى پالاتاسى جۇمىسىنىڭ جاي-جاپسارى مەن زاڭ شىعارۋ قىزمەتىنىڭ جوسپارى تۋرالى ايتتى. پرەزيدەنت جولداۋدىڭ نەگىزگى باعىتتارىن ساپالى زاڭنامامەن قامتاماسىز ەتۋدىڭ ماڭىزدىلىعىن اتاپ ءوتتى.

Abai.kz