ءمينيستردىڭ ايتۋىنشا، ءىستى ەكونوميكالىق تەرگەۋ قىزمەتى جۇرگىزىپ جاتىر. ال مىندەتىن ورىنداۋدا سالاقتىق تانىتتى دەپ دارىگەرلەردى قاماۋ تۋرالى شەشىمدى سوت شىعارعان.

جۋرناليستەردىڭ "كۇدەباەۆتىڭ بۇل ىسكە ەشقانداي قىتىسى جوق پا؟" دەگەن سۇراقتارىنا، "قاتىسى جوق" دەپ جاۋاپ بەردى. ال "تەرگەۋ ءىسى اياقتالعانشا، كۇدەباەۆتى ۋاقىتشا قىزمەتىنەن الاستاتۋعا بولمايدى ما؟" دەگەن سۇراققا ىشكى ىستەر ءمينيسترى ء"ىىم تاراپىنان، كۇدەباەۆتىڭ ۇلى جۇمىس ىستەگەن پروكۋراتۋرا تارابىنان ەشقانداي تەرگەۋ بولعان جوق... <…> مينيسترلىك تاراپىنان دا ەشقانداي قىسىم بولمادى",- دەدى.

الماتى پوليتسيا دەپارتامەنتى باسشىسى سەرىك كۇدەباەۆتىڭ الاتاۋ اۋدانىندا پروكۋروردىڭ ورىنباسارى بولىپ جۇمىس ىستەگەن 29 جاستاعى ۇلى نۇرسۇلتان كۇدەباەۆ تامىز ايىندا گەرمانيا اۋرۋحاناسىندا كوز جۇمعان. وعان الدىن الماتى قالالىق № 4 اۋرۋحانادا وپەراتسيا جاساعان. ول قالادا كۆادروتسيكل ايداپ كەلە جاتقاندا اپاتقا ۇشىراعان.

قىركۇيەك ايىنىڭ باسىندا نۇرسۇلتان كۇدەباەۆتىڭ ولىمىنە قاتىستى حيرۋرگ قانات تەزەكباەۆ پەن انەستەزيولوگ-رەانيماتولوگ اسقار تۇڭعىشباەۆ قاماۋعا الىندى. بۇل ولاردىڭ ارىپتەستەرى مەن تۋىستارىنىڭ اشۋىن تۋعىزعان. كەيىن بۇل ىسكە ەل پرەزيدەنتى قاسىم-جومارت توقاەۆتىڭ ءوزى ارالاسىپ، 25 قىركۇيەكتە ولار ەلدەن كەتپەۋ جونىندە قولحات بەرىپ، بوستاندىققا شىعادى.

تەزەكباەۆتىڭ ايەلى تەرگەۋ اباقتىسىندا كۇيەۋىنىڭ شاشىن قىرىپ الىس تاستاعانىن ايتىپ، ول مورالدىق تۇرعىدا ءجابىر كوردى دەپ مالىمدەگەن.

Abai.kz