بەلگىلى ساياساتكەر، عالىم بەرىك ابدىعاليۇلى پرەزيدەنت اكىمشىلىگىنىڭ جانە جەرگىلىكتى ءماسليحاتتىڭ كەلىسىمىمەن قاراعاندى وبلىسى، ۇلىتاۋ اۋدانىنا اكىم بولىپ تاعايىندالدى. بۇل تۋرالى «tarlan.kz» سايتى حابارلادى.

بۇعان دەيىن قر مادەنيەت جانە سپورت مينيسترلىگى ۇلتتىق ارحيۆ جانە سيرەك كىتاپتار مەن قولجازبالار ورتالىعى جانىنداعى «ارحيۆ-2025» عىلىمي-ادىستەمەلىك ورتالىعىنىڭ باسشىسى قىزمەتىن اتقارعان بەرىك ابدىعاليۇلى ۇلتتىق كەڭەستىڭ دە مۇشەسى بولاتىن. ول جاڭا اكىم قىزمەتىمەن بىرگە پرەزيدەنت جانىنداعى ۇلتتىق كەڭەستىڭ مۇشەسى بولىپ قالا بەرەدى. 

بەرىك ابىعاليۇلىن تۋعان وڭىرىنە اراعا 9 جىل سالىپ، قايتا اكىم ەتۋ تۋرالى شەشىم مەملەكەت باسشىسى قاسىم-جومارت توقاەۆتىڭ تامىز ايىنداعى ۇلىتاۋعا ساپارىنان كەيىن جاسالىپ وتىر.

بەرىك ابدىعاليۇلى (18.09.1971,  2010 جىلعا دەيىن – ابدىعاليەۆ) – بەلگىلى قازاقستاندىق عالىم، قوعام قايراتكەرى، تاريحشى، ساياسي عىلىمدارىنىڭ كانديداتى.

1994 جىلى ءال-فارابي اتىنداعى قازاق ۇلتتىق ۋنيۆەرسيتەتىن "تاريح" ماماندىعى بويىنشا بىتىرگەن.

1995 جىلعى شىلدە – امەريكاندىق عىلىمدى دامىتۋ اگەنتتىگى، مەملەكەتتىك باسقارۋ ورگاندارىنداعى تاعىلىمداما (اقش)

1997 جىلدىڭ قىركۇيەگى – گارۆارد ۋنيۆەرسيتەتى، . دج. كەننەدي مەملەكەتتىك باسقارۋ مەكتەبى (اقش)

2000 جىلى ساياسي عىلىمدارىنىڭ كانديداتى (قر ۇعا فيلوسوفيا جانە ساياساتتانۋ ينستيتۋتى).

2017 جىلى رف پرەزيدەنتى جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىندا «ايماقتىق جانە مۋنيتسيپالدىق مەنەدجمەنت» ماماندىعى بويىنشا مۆا دارەجەسىن قورعادى.

Abai.kz