ازاتتىقتىڭ تۇركىمەن قىزمەتىنىڭ حابارلاۋىنشا، ەكس-ءمينيستردىڭ بارلىق مەملەكەتتىك ماراپاتىنان ايىرعان. ونىڭ ورنىنا ىشكى ىستەر ءمينيسترىنىڭ ورىنباسارى بولعان ماممەتحان چاكىەۆتى تاعايىنداعان.

وسىعان دەيىن ەكس-ءمينيستردىڭ جەكە جۇرگىزۋشىسى بولعان ماقسات امانوۆتىڭ ۇستالعانى حابارلانعان. اقپاراتقا قاراعاندا، ونىڭ ۇستالۋى جاقىندا قاماۋعا الىنعان ءىرى كاسىپكەر چارى كۋلوۆ پەن ساۋدا جانە سىرتقى ەكونوميكالىق بايلانىس ءمينيسترى اماندۋردى يشانوۆتىڭ ىستەرىمەن تىكەلەي قاتىستى.

ەكس-ءمينيستردىڭ بىرنەشە كافە، مەيرامحاناسى تاركىلەنگەنى ايتىلىپ جاتىر.

ازاتتىقتىڭ تۇركىمەن قىزمەتى دەرەككوزىنە سىلتەمە جاساپ، مينيسترلىكتەگى تازالاۋ – يسكاندەر مۋليكوۆ پەن ۇلتتىق قاۋىپسىزدىك ءمينيسترى يايلىم بەرديەۆتىڭ ءوزارا تەكە تىرەسى ەكەنىن ايتادى.

44 جاستاعى يسكاندەر مۋليكوۆ وسىعان دەيىن وتستاۆكاعا كەتۋ جونىندە پرەزيدەنت گۋربانگۋلى بەردىمۋحامەدوۆقا ءوتىنىش بەرگەن. بىراق پرەزيدەنت ءوتىنىشىن قابىلداماعان. مۋليكوۆ بۇل قىزمەتتى 2009 جىلدان بەرى اتقارىپ كەلگەن.

Abai.kz