قىزىلوردا قالاسىندا جىلىنا 60 مىڭ توننا تۇرمىستىق قاتتى قالدىقتاردى سۇرىپتايتىن كەشەننىڭ قۇرىلىسى جۇرۋدە، - دەپ حابارلايدى اباي-اقپارات.

جىل باسىندا وبلىستىق ءماسليحاتتىڭ شەشىمىمەن كەشەنگە 504 ملن تەڭگە قارجى قارالعان. جوبا مەملەكەتتىك-جەكەشەلىك ارىپتەستىك اياسىندا 5-جاقتى كەلىسىمشارت ارقىلى جۇزەگە اسىرىلۋدا. اتاپ ايتقاندا، وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسى، وبلىستىق جولاۋشىلار كولىگى جانە اۆتوموبيل جولدارى باسقارماسى، قالالىق تۇرعىن ءۇي-كوممۋنالدىق شارۋاشىلىق ءبولىمى مەن «قىزىلوردا تازالىعى» جشس-ءى، «تەحوناستكا رەمسەرۆيس» جشس-ءى. شارت 2019 جىلعى 1 ماۋسىمدا قازىناشىلىق ورگانىنا تىركەلگەن. كەشەننىڭ جالپى قۇنى 1,3 ملرد تەڭگەنى قۇرايدى.

ايتا كەتەتىن جايت، جوبانىڭ 50 پايىزى 652,0 ملن.تەڭگە جەكە ينۆەستوردىڭ ءوز قاراجاتى ەسەبىنەن ىسكە اسىرىلعان. كەشەن جىلىنا 60 مىڭ توننا تۇرمىستىق قاتتى قالدىقتاردى قاۋقارلى. نىسان ىسكە قوسىلعاندا قوسىمشا 40 جۇمىس ورنى اشىلادى دەپ كۇتىلۋدە.

جوبا جىل سوڭىنا دەيىن ىسكە قوسىلادى دەپ جوسپارلانۋدا.

Abai.kz