حالىقارالىق ادام قۇقىقتارىن قورعاۋشى ۇيىمدار مەن كۋاگەرلەر قىتاي بيىلى بىرنەشە جىلدان بەرى يسلام ءدىنىن ۇستاناتىن از ۇلتتارعا: ۇيعىرلارعا، قازاقتارعا، قىرعىزدارعا جانە باسقا دا ۇلت وكىلدەرىنە قىسىم جاساپ وتىرعانىن حابارلاعان. ولاردىڭ ءجۇرىپ-تۇرۋى شەكتەلگەن، ارنايى باعدارلامالار مەن بەينەباقىلاۋ كامەرالارىنىڭ كومەگىمەن اڭدىعان، بۇعان قوسا "قايتا تاربيەلەۋ لاگەرلەرىنە" وتىرعىزعان. وندا ادامداردى ۇزاق ۋاقىت ۇستاپ، كوممۋنيستىك ناسيحات جۇرگىزەدى، قىتاي ءتىلىن ماجبۇرلەپ وقىتادى.

سانكتسيا تىزىمىنە كىرگەن مەكەمەلەر اراسىندا شىڭجاڭ-ۇيعىر اۆتونوميالى اۋدانىنىڭ قوعامدىق قاۋىپسىزدىك باسقارماسى، وعان قاراستى 19 ۇيىم، 8 تەحنولوگيالىق فيرما، الەمدەگى ءىرى بەينەباقىلاۋ جۇيەسى -Hikvision, بەينەباقىلاۋ جۇرگىزەتىن Dahua كومپانياسى، ادامداردىڭ ءتۇرى مەن داۋىسىن تانۋ باعدارلاماسىن جاسايتىن Megvii مەن IFlytek فيرمالارى بار.

ساۋدا مينيسترلىگىنىڭ ارنايى تىزىمىنە ەنگەندەرگە امەريكالىق تەحنولوگيا ساتۋعا تىيىم سالىنادى.

Hikvision مۇنداي شەشىمگە نارازى ەكەنىن مالىمدەپ، بۇل ارەكەت "اقش ەكونوميكاسىنا كەرى اسەر ەتەدى" دەگەن.

بۇعان دەيىن اقش بيلىگى "ۇلتتىق قاۋىپسىزدىككە قاۋىپتى" دەگەن سيپاتتامامەن قىتايدىڭ Huawei كومپانياسىنا سانكتسيا سالعان.

بۇۇ مالىمەتى بويىنشا، قىتايدىڭ "قايتا تاربيەلەۋ لاگەرلەرىندە" قازىر جارتى ميلليونعا جۋىق ۇيعىر جانە باسقا دا از ۇلت وكىلدەرى وتىر.

Abai.kz