الماتى. 9 تامىز. قازتاگ - قاراجامباس مۇنايشىلارىنىڭ كاسىپوداق زاڭگەرى ناتاليا سوكولوۆانى 6 جىلعا باس بوستاندىعىنان ايىردى، دەپ جازادى «ۆرەميا» گازەتى.

«كەشە كەشكىسىن اقتاۋ قالالىق سوتىنىڭ سۋدياسى گۇلمارجان ءادىلسۇلتاني قاراجامباس مۇنايشىلارىنىڭ كاسىپوداق زاڭگەرى ن. سوكولوۆانى جازاسىن جالپى تارتىپتەگى كولونيادا وتەيتىندەي ەتىپ 6 جىلعا باس بوستاندىعىنان ايىردى. سوت ن. سوكولوۆانى ەكى باپ بويىنشا - قر قك 164-ءشى جانە 334-ءشى بابى بويىنشا ايىپتى دەپ تانىدى»، - دەلىنگەن گازەتتىڭ سەيسەنبى كۇنگى نومەرىندەگى ماقالادا.

حاباردا ايتىلعانداي، سوت وتىرىسى جابىق جاعدايدا ءوتتى، بىراق سوتتا وبلىستاعى ادام قۇقىقتارى مەن زاڭدىلىقتاردىڭ ورىندالۋىن قاداعالاۋ جونىندەگى قازاقستان بيۋروسىنىڭ وكىلى عالىم اقەلەۋوۆ وتىردى.

«ن. سوكولوۆا سوتتا قازاقستاندىق جۇمىسشىلاردىڭ ەڭبەكاقىلىق قۇقىعى شەتەلدىكتەرمەن سالىستىرعاندا شەكتەلمەۋى ءتيىس دەپ ايتتى، ال ونىڭ وسىلاي دەپ ايتقان جالپىلاما سوزدەرى وعان الەۋمەتتىك الاۋىزدىقتى قوزدىرۋ دەپ تاڭىلدى»، - دەدى گ. اقەلەۋوۆ.

الماتى. 9 تامىز. قازتاگ - قاراجامباس مۇنايشىلارىنىڭ كاسىپوداق زاڭگەرى ناتاليا سوكولوۆانى 6 جىلعا باس بوستاندىعىنان ايىردى، دەپ جازادى «ۆرەميا» گازەتى.

«كەشە كەشكىسىن اقتاۋ قالالىق سوتىنىڭ سۋدياسى گۇلمارجان ءادىلسۇلتاني قاراجامباس مۇنايشىلارىنىڭ كاسىپوداق زاڭگەرى ن. سوكولوۆانى جازاسىن جالپى تارتىپتەگى كولونيادا وتەيتىندەي ەتىپ 6 جىلعا باس بوستاندىعىنان ايىردى. سوت ن. سوكولوۆانى ەكى باپ بويىنشا - قر قك 164-ءشى جانە 334-ءشى بابى بويىنشا ايىپتى دەپ تانىدى»، - دەلىنگەن گازەتتىڭ سەيسەنبى كۇنگى نومەرىندەگى ماقالادا.

حاباردا ايتىلعانداي، سوت وتىرىسى جابىق جاعدايدا ءوتتى، بىراق سوتتا وبلىستاعى ادام قۇقىقتارى مەن زاڭدىلىقتاردىڭ ورىندالۋىن قاداعالاۋ جونىندەگى قازاقستان بيۋروسىنىڭ وكىلى عالىم اقەلەۋوۆ وتىردى.

«ن. سوكولوۆا سوتتا قازاقستاندىق جۇمىسشىلاردىڭ ەڭبەكاقىلىق قۇقىعى شەتەلدىكتەرمەن سالىستىرعاندا شەكتەلمەۋى ءتيىس دەپ ايتتى، ال ونىڭ وسىلاي دەپ ايتقان جالپىلاما سوزدەرى وعان الەۋمەتتىك الاۋىزدىقتى قوزدىرۋ دەپ تاڭىلدى»، - دەدى گ. اقەلەۋوۆ.

ەسكە سالساق، وتكەن بەيسەنبىدە سوت ن. سوكولوۆانى 7 جىلعا سوتتاۋىن سۇراعان. زاڭگەر بيىلعى مامىردا قاماۋعا الىنعالى بەرى اباقتىدا 3 اي وتىردى. 23 مامىردا ونى رۇقسات ەتىلمەگەن كاسىپوداق جينالىسىن وتكىزگەنى ءۇشىن اكىمشىلىك قاماۋمەن 8 تاۋلىككە قاماۋعا العان. ن. سوكولوۆا تەرگەۋ اباقتىسىندا وتىرعاندا، وعان قارسى «قاراجامباسمۇناي» اق پرەزيدەنتى مىندەتىن اتقارۋشى مۋ ءيۋاننىڭ شاعىمىمەن الەۋمەتتىك الاۋىزدىقتى ءورشىتتى دەگەن قر قك 164 بابى بويىنشا ايىپ تاعىلىپ، قىلمىستىق ءىس قوزعالدى. اكىمشىلىك قاماۋ مەرزىمى اياقتالعان سوڭ، ن. سوكولوۆانى تەرگەۋ اباقتىسىنا جاتقىزىپ، ول سوت بولعانشا سوندا بولدى.

زاڭگەر تەرگەۋ اباقتىسىندا جاتىپ-اق قر قك 334 بابى، «جينالىستار، ميتينگىلەر، پيكەتتەر، كوشەدەگى شەرۋلەر مەن دەمونستراتسيا وتكىزۋ ءتارتىبىن بۇزعان» دەگەن باپ بويىنشا ايىپتالدى.

ن. سوكولوۆانىڭ ءىسىن تىڭداۋ 29-شى شىلدەدە باستالىپ، ءبىر اپتادان سوڭ تاراپتاردىڭ پىكىرتالاسى باستالىپ، سوتتالۋشىعا سوڭعى ءسوز بەرىلدى. سوت بارىسىندا جۇمىس بەرۋشى «ەرەۋىلدەردى ۇيىمداستىرۋدا وسى ن. سوكولوۆا ايىپتى، سوندىقتان «قاراجامباسمۇناي» اق وراسان زور شىعىن كورىپ جاتىر»، دەپ ايتتى. جالپى العاندا، ساراپشىلاردىڭ ەسەبىنشە ن. سوكولوۆانىڭ ارەكەتى ت1 ملرد شىعىن اكەلىپتى.

«بەيسەنبى كۇنگى سوڭعى سوزىندە زاڭگەر وزىنە تاعىلعان ايىپتاردىڭ ءبارىن تەرىسكە شىعارىپ، «قازىر ماڭعىستاۋ وبلىسىندا ورىن الىپ وتىرعان وقيعالارعا جۇمىس بەرۋشى مەن بيلىك كىنالى»، - دەپ مالىمدەدى»، دەپ جازادى گازەت.