قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆتىڭ شەتەلدىك ساپارلارىن ەندى مەملەكەت تولەيتىن بولادى، دەپ جازادى Stan.kz.

قازاقستان رەسپۋبليكاسى سىرتقى ىستەر ءمينيسترىنىڭ 2017 جىلعى 28 اقپانداعى «وكىلدىك شىعىستار» ۇلەستىرىلگەن بيۋدجەتتىك باعدارلامانى تاراتۋ ەرەجەسىن بەكىتۋ تۋرالى» بۇيرىعىنا ءتيىستى وزگەرتۋلەر مەن تولىقتىرۋلار ەنگىزىلدى.

قۇجاتقا سايكەس، وكىلدىك شىعىستار ەندى كەلەسى قارجى جىلىنا ارنالعان رەسپۋبليكالىق بيۋدجەتتە قاراستىرىلعان جانە رەسپۋبليكالىق بيۋدجەتتىك باعدارلامالار اكىمشىلەرىنە شەتەلدىك دەلەگاتسيالاردى قابىلداۋعا، جينالىستار، كونفەرەنتسيالار، كەڭەستەر، سەمينارلار، گالا جانە رەسمي ءىس-شارالار وتكىزۋگە، سونداي-اق وكىلدىك ماقساتتار ءۇشىن بولىنگەن قاراجات.

قازاقستان رەسپۋبليكاسى پرەزيدەنتىنىڭ، قازاقستان رەسپۋبليكاسىنىڭ تۇڭعىش پرەزيدەنتى ەلباسىنىڭ، قازاقستان رەسپۋبليكاسىنىڭ پرەمەر-ءمينيسترىنىڭ، قازاقستان رەسپۋبليكاسىنىڭ مەملەكەتتىك حاتشىسىنىڭ، قازاقستان رەسپۋبليكاسىنىڭ سىرتقى ىستەر ءمينيسترىنىڭ، قازاقستان رەسپۋبليكاسى مەملەكەتتىك ورگاندارىنىڭ لاۋازىمدى ادامدارىنىڭ شەتەلدىك ساپارلارى حالىقارالىق بايقاۋلار ميسسيالارى قۇرامىنداعى شەت مەملەكەتتەردەگى سايلاۋعا قازاقستاننان بايقاۋشىلار جىبەرىلگەندە رەسپۋبليكالىق بيۋدجەت قاراجاتى ەسەبىنەن تولەنەدى.

بۇرىن وكىلدىك شىعىنداردى انىقتاۋدا قازاقستان رەسپۋبليكاسىنىڭ تۇڭعىش پرەزيدەنتى تۋرالى ءسوز بولعان جوق.

ناتيجەسىندە، «وكىلدىك باعدارلامالار» بولىنگەن بيۋدجەتتىك باعدارلامانى تاراتۋ ەرەجەلەرىنە قوسىمشا ءتيىستى وزگەرىستەر ەنگىزىلدى.

ماسەلەن، قازىر بىرقاتار شەنەۋنىكتەردىڭ شەتەلدىك ساپارلارىنا وكىلدىك شىعىندار (كۇنىنە اقش دوللارىمەن): قازاقستان رەسپۋبليكاسىنىڭ پرەزيدەنتى - 5 مىڭ، ەلباسى - 5 مىڭ، قازاقستان رەسپۋبليكاسىنىڭ پرەمەر-ءمينيسترى - 3 مىڭ، قازاقستان رەسپۋبليكاسىنىڭ مەملەكەتتىك حاتشىسى - 2,5 مىڭ، قازاقستان رەسپۋبليكاسىنىڭ مىرتقى ىستەر ءمينيسترى - 2 مىڭ.

Abai.kz