ترامپتىڭ سوزىنشە، تۇركيا سيريانىڭ سولتۇستىگىنە اسكەري وپەراتسياسىن توقتاتقان. بىراق تاعى بىردەڭە بولا قالعان جاعدايدا، سانكتسيانى قايتا ەنگىزۋى مۇمكىن ەكەنىن ەسكەرتتى.

پرەزيدەنت قۇراما شتاتتاردىڭ كۇش سالۋى ارقاسىندا عانا، اسكەري سوعىستى توقتاتۋعا مۇمكىن بولدى دەپ اتاپ ءوتتى.

ترامپ سونىمەن بىرگە سيريا سولتۇستىگىنەن اقش اسكەرىن الىپ شىعۋ شەشىمىنىڭ دۇرىس ەكەنىن تاعى جەتكىزدى. ەندى بۇل ەلدە سوعىستىڭ بولماۋىنا وزگە ەلدەر جاۋاپتى بولۋى ءتيىس دەدى ول.

وسىنىڭ الدىندا تۇركيا مەن رەسەي سيريانىڭ سولتۇستىك بولىگىن بىرلەسىپ باقىلاۋ جونىندە كەلىسىمگە كەلگەن. وعان سايكەس، تۇركيامەن شەكارالاس اۋماعىن تۇرىك تارابى قاداعالاسا، قالعان جەرىنە رەسەي اسكەرى كىرگىزىلمەك.

اقش كونگرەسسىندەگى ەكى پارتيانىڭ تانىمال ساياساتكەرلەرى ترامپتىڭ سيريا اۋماعىنان اسكەردى شىعارۋ شەشىمىنە قارسى بولعان.

اقش پرەزيدەنتى سارسەنبى كۇنى جاساعان مالىمدەمەسىندە سيريانىڭ شىعىسىنداعى مۇناي قورىن كۇزەتۋ ءۇشىن از عانا امەريكالىق اسكەر قالاتىنىن ايتتى.

Abai.kz