قىزىلوردادا 46 يننوۆاتسيالىق مەكتەپتەر جەلىسى قۇرىلىپ، عىلىمي-يننوۆاتسيالىق، ماتەماتيكالىق جوبالاۋ جانە روبوتوتەحنيكا باعىتتارى دامۋدا.

بۇل تۋرالى بۇگىن وڭىرلىك كوممۋنيكاتسيالار قىزمەتىنىڭ اقپارات الاڭىندا قىزىلوردا وبلىستىق ءبىلىم باسقارماسىنىڭ باسشىسى مايرا مەلدەبەكوۆا مالىمدەدى.

«وبلىستا بارلىق مەكتەپتەر كەڭ جولاقتى ينتەرنەت جەلىسىنە قوسىلىپ، تسيفرلىق ءبىلىم بەرۋ رەسۋرستارىمەن جۇمىس جاساۋدا. شاعىن جيناقتالعان مەكتەپتەر وقۋعا قاجەتتى «BilimBook» كەشەندەرىمەن تولىق قامتاماسىز ەتىلگەن. ايماق مەكتەپتەرىنىڭ 60%-ى جاڭا موديفيكاتسيالىق پاندىك كابينەتتەرمەن قامتاماسىز ەتىلسە، كومپيۋتەرلەر 100 پايىزعا جاڭارتىلدى. مەكتەپتەردە «STEM» باعدارلامالارى ەنگىزىلىپ 43% روبوتوتەحنيكا كابينەتتەرىمەن جابدىقتالدى»، - دەدى مايرا مەلدەبەكوۆا.

سونداي-اق، بيىلعى وقۋ جىلىندا ارال اۋدانىندا وبلىستىق دارىندى بالالارعا ارنالعان جاڭا مەكتەپ-ينتەرناتى قۇرىلدى.

ەندىگى مىندەت – تۇلەكتەردىڭ الەمنىڭ ەڭ ۇزدىك وقۋ ورىندارىنىنا تۇسۋگە جاعداي جاساۋ. اۋىل مەن قالا مەكتەپتەرى اراسىنداعى ساپا ايىرماسىن بولدىرماۋ.

بۇل ماقساتتا مەكتەپتەردىڭ ماتەريالدىق-تەحنيكالىق بازاسىن نىعايتۋ شارالارىن كەزەڭ-كەزەڭىمەن جالعاسادى.

Abai.kz