24 قازان نۇر-سۇلتان قالاسى، قازمەديا ورتالىعىندا قازاقستان رەسپۋبليكاسى مادەنيەت جانە سپورت مينيسترلىگى ءتىل ساياساتى كوميتەتى ش.شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعىمەن بىرلەسىپ «جاھاندانۋ جانە ۇلتتانۋ ۇدەرىسىندەگى قازاق ءتىلىنىڭ ومىرشەڭدىگى» رەسپۋبليكالىق ءتىل فورۋمىن وتكىزدى.

ءتىل فورۋمىندا قازاقستان رەسپۋبليكاسىنىڭ تۇڭعىش پرەزيدەنتى–ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىندا جانە قازاقستان رەسپۋبليكاسىنىڭ پرەزيدەنتى ق.ك.توقاەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» جولداۋىندا كورسەتىلگەن مەملەكەتتىك ءتىل ساياستىن جۇزەگە اسىرۋدىڭ وزەكتى ماسەلەلەرى  تالقىلاندى.

فورمدا مادەنيەت جانە سپورت ءمينيسترى اقتوتى رايىمقۇلوۆا قازاق ءتىلى ءالىپبيىن لاتىن گرافيكاسىنا 2025 جىلعا دەيىن كەزەڭ-كەزەڭمەن كوشىرۋ جونىندەگى ءىس-شارالار جوسپارىنىڭ اياسىندا ءتيىستى جۇمىستار اتقارىلىپ جاتقاندىعىنا توقتالدى. «اسىرەسە، ءتىلىمىزدىڭ قوعامداعى قىزمەتىن ارتتىرىپ، ونىڭ الەۋەتىن كوتەرۋ ءىسى ءبىزدىڭ ءجىتى نازارىمىزدا. ءالىپبي رەفورماسىنىڭ جالپىحالىقتىق سيپات الۋ تەكتىكتەرىن ىسكە قوسۋ – بۇگىنگى كۇننىڭ وزەكتى ماسەلەسى. ونىڭ جولدارىن انىقتاۋ، قازاقستانداعى جانە الەمدىك تىلدىك قاۋىمداستىقتاعى قازاق ءتىلىنىڭ ءرولى مەن مارتەبەسى تۋرالى زاماناۋي ءبىلىم، اقپارات، ناسيحات الاڭدارىنىڭ جۇمىسىن ۇيىمداستىرۋ - بۇگىنگى فورۋمنىڭ مىندەتى»، - دەدى.

فورۋمدا ساياساتتانۋ عىلىمدارىنىڭ دوكتورى، پروفەسسور امانگەلدى ايتالى، پارلامەنت ءماجىلىسىنىڭ دەپۋتاتى ساۋىتبەك ءابدىراحمانوۆ، جازۋشىلار وداعىنىڭ توراعاسى ۇلىقبەك ەسداۋلەت، «Amal books» باسپاسىنىڭ جەتەكشىسى باقىتجان بۇقارباي ءسوز سويلەدى.

فورۋم جۇمىستارى «عىلىم، ءبىلىم جانە ءتىل»، «بيزنەس جانە ءتىل»، «زاڭ جانە ءتىل»، «باق جانە ءتىل»، «مەملەكەتتىك ءتىل بولاشاعى – جاستار بولاشاعى»، «وڭىرلەردەگى تىلدىك احۋالدى تالداۋ» تاقىرىپتارىندا پىكىر الاڭدارىندا  جالعاستى.

 تىل فورۋمى ناتيجەسىن ناقتى ۇسىنىستار نەگىزىندە  قابىلدانعان قارا جوباسى قارالدى. ول «ءتىل-قازىنا» ۇعپ ورتالىعىنىڭ رەسمي سايتىندا، باق-تا جاريالاناتىن بولادى. فورۋمنىڭ باستى مىندەتى ءتىلىمىزدىڭ ابرويىن كوتەرۋ بولدى.

Abai.kz