Sottyng mәlimetinshe, Álibek Moldin Qazaqstandaghy "Qytay jobalaryna qarsy mitingige" shyqqany ýshin - bes tәulik, "polisiyagha baghynbaghany ýshin" on tәulik әkimshilik jazagha tartylyp, barlyghy 15 tәulikke qamalghan. Sot qújatynda Moldinning 3 qyrkýiekte Aqtóbede jergilikti әkimdik ghimaratynyng aldynda "Qytay ekspansiyasyna jol joq" degen jazuy bar plakat ústap, 'Qazaqtar, oyanyndar" dep aiqaylaghany, 7 qarashada polisiyanyng "zandy talabyna baghynbaghany" jazylghan.
Moldinning qamalghanyn onyng әieli Jadyra Núghymanova da rastady. Núghymanovanyng sózinshe, polisiya Álibek Moldindi 7 qarasha kýni tanghy saghat 7-de oqushy qyzyn mektepke shygharyp salyp túrghan jerinen ústap әketken.
- Kýieuime tórt adam jabylyp, kólikterine kýshpen otyrghyzghan. Basynda ony bilgen joqpyz. Kidirgen song alanday bastadym. Mektepke baryp, auruhana men polisiyagha habarlastym. Polisiyadaghylar "kýieuiniz Zauyt polisiya bóliminde, sәlden song әkimshilik sotqa aparady" dedi. Sotta kýni boyy as-susyz jýrip, ýiime keshki 8-de kelip otyrmyn. Polisiyagha baghynbady degeni jala. Tórt adam aldy-artyna qaratpay alyp ketse, qay kezde qarsylyq kórsetedi? - deydi Jadyra Núghymanova.
Osydan bir apta búryn Álibek Moldinning ýstinen QR Qylmystyq kodeksting 131-babynyng 2-bóligi ("Qorlau" baby) boyynsha qylmystyq is qozghalghany belgili bolghan. 7 qarashada týsten keyin Aqtóbe qalalyq soty Álibek Moldinning ýstinen qozghalghan qylmystyq isti qaraugha kirisui tiyis edi. Biraq sot otyrysy bastalghan kezde advokat Seysenbay Dilmanov Moldinning әkimshilik sotta ekenin, ózining nauqastanyp túrghanyn aityp, isti keyinge qaldyrudy ótindi. Taraptar kelisimimen sot Álibek Moldin isin qaraudy keyinge qaldyrdy.
Qylmystyq isting qozghaluyna Moldinning ýstinen kóp balaly segiz әielding shaghym týsirui negiz bolghan. Jәbirlenushilerding biri Janar Qúlmambetova "Moldin әleumettik jelidegi paraqshasynda kóp balaly әielderdi tildedi" deydi. 7 qarashada sot zalynda belsendi Moldinning jaqtastary da boldy. Olar múny "tapsyryspen úiymdastyrylghan is" dep sanaydy.
Abai.kz
