Býkil әlem qantar aiynan bastalatyn kýntizbeni qoldanatyny aitpasa da týsinikti. Býginde kópshilik músylmandar da solay. Óitkeni ýlken әlem kishkentay ghana auylgha ainalghan myna jahandanu dәuirinde tirshiligimizdi osy kýntizbege qaray retteymiz.

Endeshe, onsyz da kýndelikti ómirde jyl boyyna qoldanylyp jýrgen kýntizbening ayaqtaluyn qorytyndylap, jana jyldyng bastaluyn atap ótuding dinmen eshqanday qatysy joq. Atap ótpeuding de taqualyqpen baylanysy shamaly. Tipti újymynnyng jyl boyy jasaghan júmysyn baghalap, olargha alghys bildiru, syilyq jasap quantu sauapty is, ýlken mәdeniyet. Bastysy atap ótude sharighat tyighan is-әreketterden, ysyrapshyldyqtan aulaq bolsa, bolghany.

Astyn syzyp aita keteyin, eski jyldy qorytyndylap, jana jyldy atap ótuge eshkim mәjbýr emes. Atap ótu ýshin ótirik ayaz atasy da, dastarhan basynda 24:00 kýtu de shart emes.

Sonday-aq, atap ótpeytinder basqalargha artyq әngime aitpaghandary jón. Árkimning óz tandauy.

Al búl uәjime kelispeytinder 2020 jyl degen sózdi kelesi jyly kýndelikti ómirde mýldem qoldanbaghandary dúrys. Óitkeni qoldanu arqyly ózderine ózderi qarsy shyghyp, jana jyldy moyyndaghan bolady.

Jana jyldy nauryzda atap ótemin, újymymdy osy uaqytta marapattap, alghys aitamyn deseniz oghan da marhabat.

Isa payghambardyng tughan kýnine baylanysty hristiandar arasynda әrtýrli kózqaras bar. Solardyng eshbirinde 1 qantar Isa payghambardyng dýniyege kelgen kýni emes.

Qayrat Joldybayúlynyng әleumettik jelidegi paraqshasynan

Abai.kz