Särsenbi, 23 Qırküyek 2020
COVID-19 QAZAQSTANDA. Jwqtırğandar — 107450. Jazılğandar — 102219. Qaytıs bolğandar — 1699
2079 0 pikir 10 Qañtar, 2020 sağat 14:14

Oñtüstik Koreyada bala qağıp ketken qazaqstandıqqa ükim şıqtı

Koreyada sot 7 jasar balanı kölikpen qağıp ketken qazaqstandıq azamatqa ükim şığardı.

Sot onı eki jarım jılğa bas bostandığınan ayırdı. Balanıñ ata-anası sottaluşığa keşirim jasağan joq. Olardıñ aytuınşa, em-domğa 60 millionnan astam von jwmsağan, bwl şamamen 50 mıñ dollar. Sonday-aq balasına kütim jasau üşin äkesi men anası jwmısın tastauğa mäjbür boldı.

Eske sala ketsek, jol apatı bıltır 16 qırküyekte bolğan edi. Koreyada zañsız jürgen jäne kölik jürgizu kuäligi bolmağan otandasımız apat ornınan qaşıp ketip, kelesi küni elden wşıp ketken bolatın. Onıñ advokatı Çoy Hak Se şığarılğan ükimdi ädelitsiz dep sanaydı. Aytuınşa, bala joldı rwqsat etilmegen jerden ötkeni däleldendi. Sonday-aq sottaluşı kölikti toqtatıp, balağa kömek körsetilip jatqanına közi jetkennen keyin ğana jürip ketken.

Çoy Hak Se, sottaluşınıñ advokatı:

– Biz apellyaciya berip, jäbirlenuşi jaqpen kelisuge niettimiz. Bälkim balanıñ densaulığı qalpına kelse, ata-anası öz şeşimin özgerter. Qorğaluşım jäbirlenuşiniñ emge jwmsağan şığının öte almaydı, öytkeni bwl özgeni aytpağanda, Koreya azamattarı üşin de qomaqtı qarjı.

Eske salsaq, jol apatı bıltır 16 qırküyekte boldı.  Apatqa kinäli azamat Oñtüstik Koreyağa erikti türde oralıp, jasağan äreketi üşin keşirim swrağan edi. Er kisini Inçhon äuejayınan policiya ökileri alıp ketti. Kölik qağıp ketken balanıñ äkesi wlınıñ jağdayı turalı aytıp bergen bolatın.

Derekköz: 24.kz

Abai.kz

0 pikir