Senbi, 30 Mamır 2020
COVID-19 QAZAQSTANDA. Jwqtırğandar — 10382. Jazılğandar — 5057. Qaytıs bolğandar — 37
Fotomwrağat 1478 4 pikir 29 Qañtar, 2020 sağat 13:10

Qauipti virus. Latın älipbii. Zeynataqı qorı (fotobayan)

Qıtaydağı qauipti virusqa qatıstı...

QR Densaulıq saqtau ministri Eljan Birtanov:

- Büginge deyin elimizge Qıtaydan 25 858 adam keldi. Olar - Qazaqstan azamattarı men şeteldik azamattar. Barlıq mälimetter Densaulıq saqtau ministrligine, sodan keyin baqılau komiteti arqılı beriledi. Tekseruler jäne azamattarmen baylanıs twrğılıqtı jeri boyınşa jürgiziledi. 

Bügingi tañda ıstığı köterilgen 23 nauqas keldi. Olardıñ 4-eui virus belgileri boluı mümkin degen küdikpen auruhanağa jatqızıldı. Sebebi, olardıñ densaulığındağı keybir belgiler men virustıq infekciya arasında naqtı ayırmaşılıq joq. Sondıqtan, olar JRVI-ğa küdikti retinde auruhanağa jatqızıldı.

Üş kün işinde tolıq diagnoz qoyıladı. Tiisti terapiya bastaldı. 

QR Sırtqı ister vice-ministri Şahrat Nwrışev:

- Şekaranı jabu üşin Düniejüzilik densaulıq saqtau wyımınıñ kepildemesi kerek. Bizdiñ QHR-dağı Elşiligimiz, Bas konsuldıq Qıtay azamattarı üşin qwjat räsimdeu talaptarın küşeytti. Sonıñ işinde, viza räsimdeu üşin densaulıq jağdayı turalı anıqtama talap etiletin boldı. 

Bilesizder, Qıtay azamattar üşin 72 sağattıq vizasız tranzittik jürip-twru rejimi Ükimet şeşimimen uaqıtşa toqtatılğan. Sonday-aq, elektrondı vizamen Qazaqstanğa, äuejayğa kelgen Qıtay azamattarınıñ qwjattarı räsimdelmeydi. Al şekaranı jabatın bolsaq, onda biz Qıtaydağı öz azamattarımızdı elge jetkizi almay qalamız. 

Latın älipbiine qatıstı...

QR MSM, Til sayasatı komiteti törağasınıñ orınbasarı Ädilbek Qaba:

- Til – qazaqtıñ janı. Derbes wlt ekeniniñ belgisi. Memlekettigimizdiñ simvolı. Tildi saqtau – är qazaqtıñ janın saqtau. Arın saqtau. Tilmen beriletin wlttıq erekşeligimizdiñ barın saqtau.

Keregi, är azamattıñ tuğan tiline janı aşığanı. Keregi, damu jolına tüsken elderdiñ qatarınan qalmay, alğa jıljığanımız. Keregi, qazaq tilin ğılım tiline aynaldıru. Keregi, wlt tilin biletin soñğı adam qasiretin bastan keşpeu. Keregi, özimizdiñ bay tilimizben älemdi tänti etu. Keregi, qazaq wltınıñ, onıñ tiliniñ mäñgi jasağanı!

Zeynetaqı qorına qatıstı...

QR Eñbek jäne halıqtı äleumettik qorğau ministri Birjan Nwrımbetov:

- Bügingi tañda Birıñğay jinaqtauşı zeynetaqı qorında jinalğan salımdarımızdıñ jalpı qorı – 10 trln 400 mlrd teñge. 9,9 mln zeynetaqılıq esepşot bar. Sol 9,9 mln esepşotta 5,3 mln adamnıñ zeynetaqılıq jinağı – 500 mıñ teñgege ğana jetedi. Odan bölek, 1,6 mln adamnıñ zeynetaqılıq jinağı – 500 mıñ teñgeden 1 mln teñgege deyin jinalğan. Demek, bizdiñ azamattardıñ 69 payızınıñ 1 million teñgege deyin ğana jarnaları bar. 9,9 mln salımşınıñ 15 payızınıñ zeynetaqı jarnaları – 1-2 mln teñge aralığında. Sonımen jalpı zeynetaqı salımşılardıñ 84 payızınıñ jinağı 2 million teñgege ğana jetedi. 

Abai.kz

4 pikir