Uaqytsha ústau oqshaulaghyshynda kóz júmghan Dulat Aghadilding advokaty men aghasy mәiitti tekseru kezinde qasynda túrghan. Búl turaly Núr-Súltan qalasynyng prokuraturasynda ótken brifingte aityldy.

«Birinshi kezekte Aghadilding mezgilsiz ómirden ótuine baylanysty jaqyndary men tuystaryna kónil aitamyz. Áleumettik jeli men internet resurstarda Aghadilding mәiitin juyndyru rәsimin viydeogha týsirip, oghan kýsh kórsetkeni turaly aqparat tarap jatyr. Búl etika men moraligha qarsy keletin әreket. Viydeomaterial men onyng taralyp ketui qaytys bolghan adamnyng tuystarynyng rúqsatynsyz jýzege asyrylghan», - deydi Núr-Súltan qalasy prokurorynyng orynbasary Eldos Qilymjanov.

Ol bolghan jaghdaygha toqtalyp ótti.

«Aghadildi Aqmola oblysynyng polisiya qyzmetkerlerining tútqyndauy sot sanksiyasy negizinde jýzege asyrylghan. Belgilengen tәrtip boyynsha, Dulat Aghadildi Talapker auylynyng emhanasyndaghy jәne tergeu izolyatoryndaghy medisinalyq qyzmetkerler qaraghan. Kýsh qoldanghandyghyn bildretin dene jaraqattary bolmaghan. Qylmystyq isti tergeu ayasynda sot-medisinalyq saraptama taghayyndaldy. Qaytys bolghan adamnyng otbasyna advokat úsynyldy jәne sot-medisinalyq saraptama salasynda eki maman júmysqa tartyldy. Olar memlekettik sot saraptamalyq qyzmetting mýsheleri emes», - deydi ol.

Sonday-aq, prokuror orynbasary mәiitti tekseru júmystary qalay jýrgizilgenin aitty.

«Kelesi kýni mәiitti tekseru Aghadilding aghasynyn, advokattyng jәne eki medisinalyq maman - Arman Ahanbetov pen Ruslan Satybaldiyevting qatysuymen ótti. Mәiitti tekseru qorytyndysy boyynsha, Aghadilding aghasy men advokat Azanovtyng eshqanday shaghymy bolghan joq. Mәiitti soi jәne zertteu barysy viydeogha týsirilgen, ony etikalyq sebepterge jәne tuysqandary rúqsat etpegenine baylanysty jariyalay almaymyz. Aldyn ala boljanghan qorytyndyny búghan deyin aitqanbyz: Aghadilding ólimine jýrek-qan tamyry auruy sebep bolghan. Sot saraptamasynyng týpkilikti qorytyndysy jaqyn arada laboratoriyalyq zertteuden keyin belgili bolady», - dedi ol.

Eldos Qilymjanovtyng aituynsha, 26 aqpanda barlyq jaghdaydy tergeuding obektivtiligin qamtamasyz etu ýshin qylmystyq is Núr-Súltan qalasy prokuraturasynyng arnayy prokurorlar basqarmasynyng óndirisine qabyldandy. Qazir barlyq qajetti tergeu amaldary jýrip jatyr.

Eske sala ketsek, 25 aqpanda qogham belsendisi Dulat Aghadil Núr-Súltan qalasyndaghy tergeu izolyatorynda kóz júmdy.

Qalalyq Polisiya departamenti Dulat Aghadilding ólimine qatysty sotqa deyingi tergeu amaldaryn bastaghan.

Abai.kz