Jeksenbi, 5 Säuir 2020
COVID-19 QAZAQSTANDA. Jwqtırğandar — 531. Jazılğandar — 36. Qaytıs bolğandar — 5
Mälimdeme 789 1 pikir 29 Aqpan, 2020 sağat 13:54

QMDB-nıñ Covid-19 koronavirusine qatıstı mälimdemesi

Büginde bükil älem halqına koronavirus qaupi ürey seuip, derttiñ özinen göri künnen-künge örşelene tüsken daqpırtı men dabılı dünie jüzin dürliktirude. Jañalıqtan da estitinimiz, jan-jaqtağı jwrttıñ köbi şekarasın qımtap, qauiptiñ betin alğan birqatar saqtıq şaraları jüzege asırılğan. Allağa şükir, atalmış derttiñ bizdiñ elimizde belgisi de joq, şetten kelgen azamattarımız din aman.

Alayda, «Saqtansañ – saqtaymın» demekşi, törtkül älemge tügel qauip töndirgen dertke nemqwraylıq tanıtıp, nemketti qarau – özimiz üşin ğana emes, janımızdağı jandardıñ ömirine de äserin tigizeri bek mümkin. Osı orayda, Qazaqstan mwsılmandarı dini basqarması elimizdiñ ärbir azamatın qoğamdıq orındarda tazalıq erejelerin saqtap, öz densaulıqtarına asqan mwqiyattılıqpen män berip, saqtanıp jüruge şaqıradı.

Alla Tağala qasietti Qwranda adamzat balasına: «Özderiñdi öz qoldarıñmen qauip-qaterge salmañdar», – dep eskertu jasağan. Alla bergen amanat – öz ömirimiz ben densaulığımızğa dwrıs kütim jasamay, qauip-qaterge közsiz wrınar bolsaq, tübinde opıq jeytinimiz sözsiz.

Bwl turalı Alla elşisi (oğan Allanıñ salauatı men sälemi bolsın) öziniñ bir ösietinde: «Kimde-kim esinese qolımen auzın japsın, öytkeni ziyandı närseler auzına kiredi», – dep bwyırğan.

Sonday-aq, şariğatta jwqpalı aurulardıñ jay közge körinbeytin ziyandı küşi barın, bilinbey taraytının jäne aurudıñ etek aluın toqtatuda karantin qajet ekeni atap aytılğan. Öytkeni, Payğambarımız (oğan Allanıñ salauatı men sälemi bolsın) adam balasınıñ özine de, özgege de ziyan kelturuine qatañ türde tıyım salğan.

Qwrmetti, otandastar! Sizde jötel payda bolıp, boyıñızda dene qızuınıñ joğarılauı bayqalsa nemese tınıs alu qiınğa soqqan jağdayda, der kezinde därigerge jüginuge, sonday-aq qoğamdıq orındarğa, tipti meşitke keludi toqtatıp, qwlşılıqtarıñızdı üyleriñizde orındauğa keñes beremiz!

Alla Tağala elimizdi, halqımızdı türli päleden, aurudan, til-közden saqtağay! Ämin!

Abai.kz

1 pikir