Jeksenbi, 29 Naurız 2020
Äne, kördiñ be? 1100 7 pikir 24 Naurız, 2020 sağat 18:06

31-inşi nauqas häm qazaq qoğamındağı jauapkerşilik

Büginde COVID-19 pandemiyası älemniñ eki jüzge juıq memleketine taraldı. Qazaqstanda da bwl indetti jwqtırğandar sanı kün sayın artıp keledi. Alğaşında Almatıda tek eki adamnan anıqtalğan virus büginde Nwr-Swltan, Qarağandı qalaları men Aqtöbe, Almatı oblıstarında tirkelip, virus jwqtırğandar sanı 68-ge jetti.

Al, atalmış qauip-qaterge tap bolğan adamzat täjiribesi: tipti bir adamnıñ jauapsız äreketi ülken saldarğa äkelui mümkin deydi. Biz osı rette, Oñtüstik Koreyadağı 31-inşi nauqastıñ oqiğasın mısal etkendi jön kördik. Käristegi osı bir 31-inşi nauqastıñ jayın orıs tilinde factchek.kz saytı jazğan eken.

Ötken ayda, 18-inşi aqpan küni älemdik BAQ Oñtüstik Koreyada koronavirus jwqtırğandar sanı 31 adam bolğanın jazdı. Al, arada apta (altı kün) ötkende qauipti virustı jwqtırğandar sanı 760-qa jetti. Olardıñ basım köpşiligi dini top (sekta) müşeleri bolğan.

Li Man Hi

Sektadağı protest

Oñtüstik Koreyada «Sinçeñdji» şirkeuiniñ negizin saluşılardıñ biri qaytıs boladı. Jerleu räsimi eki künge (31-qañtar men 2 aqpan aralığı) sozıladı. Räsimge kelgen mıñğa juıq adam bir bölmeniñ edeninde qısılısqan halde bir-birine öte jaqın otırğan. Keyin däl osı jağdaydı virustıñ taraluına bastı sebep dep bağalağan.

Osıdan keyin qwzırlı bilik aurudı diagnostikalau boyınşa auqımdı nauqan bastaydı. Alayda olar sekta müşeleri tarapınan qarsılıqqa tap boladı. Sektanttar bilikpen baylanıs jasağısı kelmey, olardıñ jüzdegen ökili korey köşelerimen jürudi jalğastırdı (21 aqpanğa deyin bilik 700-dey adamnıñ otbasımen baylanıs ornata almadı). Al naurızdıñ basında bilik sektanıñ barlıq 230 mıñday müşelerin tekserip, jauap aladı. Biraq ol kezde virus dendep, taralıp jatqan edi.

Tipti 1 naurızğa qaray virus jwqtırğandardıñ sanı boyınşa Oñtüstik Koreya Qıtaydan keyingi ekinşi orında boldı. Olardıñ jartısı «Sinçeñdji» sektasınıñ müşeleri bolğan. Al qazir Oñtüstik Koreyada - 9 mıñnan astam adam viurs jwqtırıp, 120 adam qaytıs bolğan.

Koronavirus: liderov yujnokoreyskoy sektı, zarazivşey tısyaçi çelovek, namerenı sudit' za ubiystvo

31-inşi nauqas

Ol jaqta virustıñ keñ taraluına nege däl osı «Sinçeñdji» sektası sebep boldı? Oñtüstik Koreya biligi «31-inşi nauqas» degen atpen tanımal 61 jastağı äyel turalı aytadı.

Oñtüstik Koreyada sol äyelge deyin tek 31 adam virus jwqtırğan. Jañağı äyel 31-inşi adam bolğan. Mine, däl sol äyeldiñ özge sektanttarmen baylanısı virustıñ äri qaray taraluına sebep bolğan.

The New York Times gazetiniñ habarlauınşa, 7 aqpanda äyel kişigirim jol apatına tüsip, qaladağı «Tegu» auruhanasına barğan. Kelesi küni ol tamağı auırğanın aytıp, därigerlerge jüginedi. Biraq, kelesi küni, jeksenbide därigerlerdiñ şekteuine qaramay, «Sinçeñdji» şirkeuine barğan.

Düysenbide äyeldiñ ıstığı köterilip, nauqas auruhanada qaladı. Sodan twp-tura bir aptadan soñ, yağni,  jeksenbi küni äyel şirkeuge tağı barıp, dini räsimge qatısadı. Däl sol küni jañağı şirkeudiñ negizin saluşı adamnıñ jerleui ötip jatqan. Şirkeudegi aza twtu räsimine mıñnan astam adam jinalğan eken.

Bwğan deyin därigerler älgi äyelge koronavirus belgilerin tekseru üşin kem degende eki ret auruhanağa barudı wsınğan. Biraq, ol soñğı aylarda Qıtayğa barmağanın, sonday-aq koronavirus jwqtırğan adamdardı körmegenin aytıp, bas tartqan.

Düysenbi küni ol özin naşar sezinip, därigerge baradı. Arnayı testileuden ötkennen keyin, onıñ koronavirus jwqtırğanı belgili boladı. Al bwl kezde ol şirkeudegi mıñdağan adammen jaqın baylanısta bolıp ülgergen edi.

Saldarı

Bilikpen baylanıs ornatqısı kelmegen sektanttardıñ kerligi, sonday-aq dini birlestiktiñ bir müşesiniñ aynalasındağılardıñ densaulığına jauapsızdığı - «Sinçeñdji» şirkeui turalı jekkörinişti pikirlerdi köbeytti.

The Guardian basılımınıñ jazuınşa, sektant müşeleriniñ tizimi elge belgili bolğan soñ, olar otandastarınan qısım köre bastağan.

Al, RBK-nıñ aqparatınşa, aqpan ayınıñ basında 200 mıñnan astam adam «Sinçeñdji» sektasınıñ taratıluın talap etip, onlayn-peticiyağa qol qoyğan jäne onı Koreya biligine joldağan.

«Jaña koronavirustıñ Tegu men Soltüstik Kensang provinciyasında taraluınıñ sebebi - «Sinçeñdji» sektasınıñ etikağa jat dogması jäne ükimetpen ıntımaqtastıqtan bas tartuı», - delingen köpşilik ündeuinde.

Prezidentke talap

Kartinki po zaprosu "Mun Çje In"

Al, tağı 1,3 millionnan astam adam Prezident Mun Çje Inniñ otstavkasın talap etti. «Kommersanttıñ» habarlauınşa, onı el işinde indetpen küres jäne Qıtaydan taralğan virustı boldırmau üşin tiimdi şaralar qabıldamadı, dep ayıptağan.

«Mun Çje Inniñ pnevmoniyağa baylanıstı qabıldağan şaralarına qarap, onı Oñtüstik Koreyanıñ emes, Qıtaydıñ prezidenti dep boljauğa boladı», - depti peticiya avtorlarınıñ biri.

Korey prezidentin sınauşılar: «Ol Qıtayda indet örşigen kezde, körşi elge 3 million betperde jiberu turalı şeşim qabıldağan. Sonday-aq, qıtaylardıñ Oñtüstik Koreyağa kiruine tolığımen tıyım salğısı kelmeytinin keşiruge bolmaydı», - depti.

Söytip, sektanttarğa bağıttalğan qoğamdıq narazılıq aqırı bilikke qarsı narazılıqqa wlasıp ketken.

1 naurızda Seul biligi men prokuraturası sektanıñ 12 jetekşisiniñ üstinen qılmıstıq is qozğağan.

VVS-diñ orıs qızmetiniñ habarlauınşa, kelesi küni şirkeudiñ basşısı Li Man Hi koronavirustıñ bayqausızda taralğanı üşin halıqtan keşirim swrağan.

Qazir Oñtüstik Koreya COVID-19 pandemiyasınıñ taraluı boyınşa älem boyınşa 9 orında twr. Elde koronavirus indetin 9037 adam jwqtırıp, 120 adam qaytıs bolğan.

QMDB mälimdemesi

Al bizde şe? 16 naurız küni QMDB elde koronavirustıñ taraluına baylanıstı meşitterde jwma namazı uaqıtşa oqılmaytının, namazdı ärkim öz üyinde öteytinin mälimdegen edi.

Al ötken jwmada bir top adamnıñ namazğa rwqsat swrap jergilikti äkimdik ökilimen söz talastırıp twrğan videosı äleumettik jelige taradı. QMDB eskertpesi men Ükimet engizgen şekteuge qaramay, dini räsimdi öteuge äreket qılğandar öz kezeginde qoğam narazılığın tudırdı. Bwlar kimder?

QMDB meşitke jwma namazına kirgizudi talap ketkender turalı pikir bildiripti. QMDB baspasöz qızmetiniñ mälimetinşe bwl oqiğa Jañaözen qalasında bolğan.

«Bwl oqiğa bügin Mañğıstau oblısınıñ Jañaözen qalalıq meşitinde bolğan. Jergilikti jamağat jwma namazın oqudı ötingen. Imamdar jamağatqa jeke tüsindiru jwmıstarın jürgizude. Olarğa eldegi tötenşe jağdayğa baylanıstı QMDB Ğwlamalar keñesiniñ şığarğan pätuasın jan-jaqtı tüsindirip berdi. Maqsat - halıq densaulığın saqtau jäne jwqpalı indettiñ taraluına jol bermeu. Jamağat işindegi aqsaqaldar öz qatelikterin tüsinip, jastardı bülik şığarmauğa şaqıruda. Tüsindiru jwmıstarı twraqtı jüzege asuda», - dedi QMDB Baspasöz qızmetiniñ jetekşisi. «Azattıq ruhı» saytı jazdı.

Tüyin. Koreyada bir nauqas şirkeuge baru üşin auruhanadan qaşıp ketti. Saldarınan mıñdağan adam virus jwqtırdı. Käristegi 31-inşi nauqastıñ oqiğası älgi jamağat bop namaz oquımız kerek dep talap qoyğan bizdiñ azamattarğa jauapkerşiliktiñ qanşalıqtı mañızdı ekenin wqtıra ala ma?

Dayındağan Nwrbike Bekswltanqızı

Abai.kz

7 pikir