Qorghanys ministri Núrlan Ermekbaev qaramaghyndaghy qyzmetkerding jemqorlyq jasap, qylmysty bolghany ýshin otstavkagha ketpeydi. Búl turaly ministrlikting zakon.kz saytyna bergen jauabynda aityldy. 

Búghan deyin Batys Qazaqstan oblystyq qorghanys isteri jónindegi departamentting búrynghy bastyghy Marat Esenov 200 myng tenge para alghany ýshin qylmystyq jauapkershilikke tartylghan bolatyn. Esenovke qatysty sot ýkimi 2020 jyly 4 mausymda zandy kýshine endi. Ol para alghany ýshin 4,8 million tenge kóleminde aiyppúl tóleuge mindettelgen. Sonymen qatar, ol polkovnik sheninen aiyryldy jәne memlekettik qyzmette júmys isteuge tyiym salyndy.

Al, 2019 jyldyng qarashasynda Preziydent Qasym-Jomart Toqaev basshylardyng qol astyndaghy qyzmetkerli ýshin jauapkershiligi jóninde Zangha qol qoyghan bolatyn. Zangha sәikes, sybaylas jemqorlyqqa jol bergen basshy on kýn ishinde otstavkagha ketuge mindetti. Sonday-aq zanda ortalyq memlekettik organnyng basshysy (ministr) qol astyndaghy aimaqtyq bólimning bastyghy (BQO qorghanys isteri jónindegi bólimining bastyghy) ýshin jauapty bolyp tabylady dep belgilengen.

Alayda, Qorghanys ministrligining mәlimetinshe, Ermekbaev aimaqtyq bólimsheler basshylaryna jauap bermeydi. Sottalghan BQO qorghanys isteri jónindegi búrynghy bastyghy Marat Esenov ýshin Bas shtabtyng qúrylymdyq bóligi bolyp tabylatyn Úiymdastyru jәne júmyldyru júmysy departamentining bireui ornynan ketui kerek eken.

«Qorghanys ministri Núrlan Ermekbaev BQO qorghanys isteri jónindegi departamentting búrynghy basshysy Marat Esenovting sybaylas jemqorlyq qylmysy boyynsha sottaluyna baylanysty óz erkimen otstavka súramaydy. Búl arada basqa jauapty adamdar lauazymynan airyluy kerek»,- delingen habarlamada.

Qorghanys ministrligi ózderining aiyryqsha qúzyrly organ ekenin basa aitty. Eger basqa ministrlikterding ortalyq apparat siyaqty funksiyalary men mindetterin oryndaytyn aimaqtyq departamentteri bar bolsa, yaghny tek oblys sheginde, al Qorghanys ministrliginde birdey funksiyalary bar aumaqtyq bólimsheleri joq.

«Oblystyq qorghanys isteri jónindegi departamenti Qorghanys ministrligining aumaqtyq organy bolyp tabylmaydy, mysaly, әskery gospitali, audandyq eksplutasiyalyq bólim nemese kez-kelgen әskery bólim sekildi. Búl Memlekettik qyzmet turaly zannamada aiqyn kórsetilgen. Múnyng bәri - qorghanys vedomstvosynyng aumaqtyq organdary bolyp tabylmaytyn memlekettik mekemeler.

Bizde aimaqtyq dengeyde 17 qorghanys isteri jónindegi departamentter, jýzdegen әskery bólimder bar, biraq olardyng barlyq komandirleri (bastyqtary) qorghanys ministri taghayyndaghanyna qaramastan tikeley ministrge baghynady degendi bildirmeydi. Tiyisinshe, qorghanys ministri oblystaghy qorghanys isteri jónindegi departament bastyghynyng jasaghan sybaylas jemqorlyq әreketi ýshin otstavkagha ketuine zandy negizi joq, óitkeni ol Qaruly Kýshterding Bas shtabynyng qúrylymdyq bóligi bolyp tabylatyn Úiymdastyru jәne júmyldyru júmystary basqarmasyna tikeley baghynady»,- deydi ministrlik ókilderi.

Sonday-aq, Qorghanys ministrligi әskeriyler ýshin «otstavka» úghymynyng erekshe mәni bar ekenin týsindirdi.

«Búryn, belgili bir dengeyde otstavkagha ketu turaly ótinish, әsirese soghys uaqytynda, әskery qyzmetten jaltaru, tipti әskery mindetten qashu dep týsindiriletin. Áskery qyzmetker nemese ofiyser, maydan kezinde otstavkagha mýlde kete almaydy, óitkeni búl әskery adamnyng antyna qayshy. Búl әskerde qyzmet etkisi kelmeytinderge «jaqsy amal» bolar edi», - dedi Qorghanys ministrligi.

Abai.kz